មេ Ajaxថា នឹងយកគំរូតាម Man Utd ដើម្បីតទល់នឹង Liverpool ក្នុងប្រកួត UCL យប់នេះ

2022-09-13 13:29:43
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Alfred Schreuder គ្រូបង្គោលក្លឹប Ajax បាននិយាយទៅកាន់សារព័ត៌មាននៅក្នុងថ្ងៃនេះ លោកនឹងមើលគំរូតាមក្លឹប Manchester United ដើម្បីតទល់នឹងក្លឹប Liverpool ក្នុងប្រកួត UEFA Champions League យប់នេះ។

លោក Schreuder បាននិយាយថា៖" ខ្ញុំបានមើលគំរូប្រកួតរបស់ Man Utd មើលៗពួកគេធ្វើអ្វីខ្លះបានឈ្នះ។ និយាយទៅពួកគេមានចំណុចមួយចំនួនដែលបានធ្វើ ហើយត្រូវនឹងយើង។ យើងត្រូវឲ្យរហ័សជាមួយបាល់បន្តិចក្នុងការប្រកួតជាមួយក្រុមអញ្ចឹងៗ។ យើងត្រូវមានភាពជឿជាក់ថាអាចធ្វើបាន។ ភាពជឿជាក់គឺសំខាន់ បើយើងមានវា ច្បាស់ណាស់យើងនឹងមានឱកាស "។

លោកបន្តថា៖" ខ្ញុំគិតថា Klopp គាត់នឹងឲ្យកីឡាកររបស់គាត់លេងបែបទម្រង់ការពារខ្លាំងជាងមុនទៀត។ អ្នកដឹកនាំក្រុមដូចគ្នាសុទ្ធតែដឹងហើយ បើយើងដឹកអត់ល្អ ច្បាស់ជាមានរឿងរ៉ាវ។ យ៉ាងណាយើងនឹងព្យាយាមលេងបែបទម្រង់របស់យើង។ យើងត្រូវតែមានភាពជៀជាក់ ទើបមានឱកាស បើអត់ទេ ច្បាស់ជាយ៉ាប់ហើយ "។

គួរបញ្ជាក់ផងដែរថា Man Utd ធ្លាប់ Liverpool ២-១ ក្របខ័ណ្ឌ PL កាលពីខែមុន។ សម្រាប់ក្នុងការប្រកួត UCL យប់នេះ Liverpool នឹងប៉ះ Ajax ដោយ Liverpool មិនទាន់ឈ្នះ១ដងទេក្នុងប្រកួតនេះ រីឯ Ajax ធ្លាប់ឈ្នះបាន១ដងហើយ៕

ប្រភព៖ Goal អត្ថបទ៖ សេរី មង្គល