កម្ពុជា ចាញ់ បង់ក្លាដែស ក្នុងលទ្ធផល ០-១ ក្នុងប្រកួតមិត្តភាពថ្ងៃនេះ

2022-09-22 14:01:51
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមជម្រើសជាតិកម្ពុជា បានចាញ់នឹងក្រុមជម្រើសជាតិបង់ក្លាដែសនូវលទ្ធផល ០-១ ក្នុងការប្រកួតមិត្តភាពអន្តរជាតិ MinebeaMitsumi នៅពហុកីឡដ្ឋានមរតកតេជោ រាជធានីភ្នំពេញ ប្រទេសកម្ពុជា ក្នុងថ្ងៃនេះ។

ទាំងតង់ទី១ និងតង់ទី២ នៃការប្រកួតខាងលើ ទាំងកម្ពុជា និងបង់ក្លាដែសមានការប្រកួតប្រជែងគ្នាខ្លាំងដោយមានការប្រកួតមានការប្រទាញប្រទង់គ្នា ដោយក្រុមទាំងពីរសុទ្ធតែខំប្រឹងអស់លទ្ធភាពក្នុងការប្រកួត។

ជាពិសេសគឺកម្ពុជាបានខិមខំបង្កើតឱកាសក្នុងការស៊ុតចូលច្រើន តែជាអកុសលមិនអាចធ្វើបាន ដោយបង់ក្លាដែសខ្លាំងខាងវាយបក និងបង្កើតឱកាសស៊ុតបានច្រើនដូចគ្នា តែបង់ក្លាដែសអាចរកឱកាសស៊ុតបញ្ចូលទីបាន១គ្រាប់ នៅនាទីទី២៣ ដោយកីឡាករ Rakib Hossain ៕

ប្រភពរូបភាព៖ សហព័ន្ធកីឡាបាល់ទាត់កម្ពុជា

អត្ថបទ៖ សេរី មង្គល