រួសរាន់ចុះឈ្មោះ! ទិវារត់ប្រណាំងអន្តរជាតិពាក់កណ្ដាលម៉ារ៉ាតុងអង្គរនឹងបិទថ្ងៃទី២៤ ខែតុលា

2022-09-27 02:26:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ទិវារត់ប្រណាំងអន្តរជាតិពាក់កណ្ដាលម៉ារ៉ាតុង លើកទី២៧ ដែលគ្រោងធ្វើនៅមុខអង្គរថ្ងៃទី៤ ខែធ្នូ ខាងមុខនេះចាប់ផ្ដើមទទួលចុះឈ្មោះហើយ។ ដូច្នេះអ្នកចង់ចូលរួមរួសរាន់ឡើយដើម្បីឲ្យក្រុមការងាររៀបចំសម្ភារបានទាន់ពេលវេលាល្អ។

ទិដ្ឋភាពរត់កន្លងទៅ

ឯកឧត្ដម វ៉ាត់ ចំរើន អគ្គលេខាធិការ NOCC បានឲ្យដឹងថាទិវារត់ប្រណាំងអន្តរជាតិពាក់កណ្ដាលម៉ារ៉ាតុង លើកទី២៧ នេះបានទទួលអ្នកចុះឈ្មោះទាំងជាតិ និងអន្តរជាតិសរុបជិត ៣០០០នាក់ហើយ។ យ៉ាងណាការចុះឈ្មោះនេះនៅតែបន្ត និងកៀកថ្ងៃបិទបញ្ចប់ផងដែរដើម្បីក្រុមការងារត្រៀមខ្លួន ១-២ខែក្នុងការរៀបចំសម្ភារជូនអ្នកចូលរួម។

អ្នកជំនាញខាងកីឡាខាងលើនេះក៏អំពាវនាវដល់អ្នកចង់ចូលរួមព្រឹត្តិការណ៍នេះឲ្យរួសរាន់ក្នុងការចុះឈ្មោះ ព្រោះការរៀបចំត្រូវចំណាយពេលវែង និងសម្ភារដូចស្លាកលេខ មេដាយ និងឈីបជាដើមគឺត្រូវធ្វើមកពីក្រៅប្រទេស។ ដូច្នេះប្រសិនបើអ្នកចុះឈ្មោះយឺតយ៉ាវ ឬកៀកថ្ងៃរត់អាចនឹងមិនទទួលបាននូវសេវាកម្មល្អគ្រប់គ្រាន់។

សន្និសីទសារព័ត៌មាន

សម្រាប់អ្នកចង់ចុះឈ្មោះចូលរួមព្រឹត្តិការណ៍ម៉ារ៉ាតុងនេះអាចទំនាក់ទំនងទៅកាន់ផេក Cambodia Events Organizer (023 213 525) វេបសាយ http://www.cambodia-events.org/ ឬទំនាក់ទំនងមកកាន់ NOCC បានផងដែរ។ ថ្ងៃទី២៤ ខែតុលា ឆ្នាំ២០២២ នេះនឹងដល់ថ្ងៃបិទបញ្ចប់ការទទួលពាក្យ ខណៈក្រុមការងារនឹងចាប់ផ្ដើមពិនិត្យឈ្មោះធ្វើការកុម្ម៉ង់សម្ភារ៕