តម្រុយខ្លះៗ Pacquaio អាចនឹងសងសឹក Floyd នៅប្រទេសជប៉ុន

2022-09-27 03:13:53
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រដាល់អាមេរិក Floyd Mayweather បានបញ្ជាក់ថា គេនឹងប្រកួតនៅប្រទេសជប៉ុនម្ដងទៀតនៅពេលខាងមុខ ក្រោយយកឈ្នះផុយៗលើកីឡាករ Mikuru Asakura។

Manny Pacquaio ដែលធ្លាប់ចាញ់ Floyd កាលពីឆ្នាំ២០១៥ ក៏បានទៅអង្គុយទស្សនាដៃគូចាស់របស់ខ្លួនបញ្ចប់ Mukura ត្រឹមទឹកទី២។ ក្រោយពីប្រកួតនេះចប់ Floyd បាននិយាយពីគម្រោងរបស់ខ្លួនថានឹងត្រឡប់មកកាន់ប្រទេសជប៉ុនម្ដងទៀនៅពេលខាងមុខ។

“ខ្ញុំពិតជាសប្បាយចិត្តខ្លាំងណាស់ដែលពួកយើងបានផ្ដល់ភាពរំភើបទៅកាន់អ្នកគាំទ្រ។ អរគុណដែលផ្ដល់ឱកាសឲ្យខ្ញុំមកទីនេះ។ ខ្ញុំនឹងត្រឡប់មកវិញម្ដងទៀត។" សម្ដី Floyd។ ជាមួយគ្នានេះដែរ Pacquaio ដែលត្រូវបានអញ្ជើញឲ្យចូលរួមការប្រកួតខាងលើបាននិយាយដែរថា អរគុណសម្រាប់ឱកាសនេះ និងជាសាក្សីក្នុងការប្រកួត។ គេក៏សង្ឃឹមនឹងអាចប្រកួតដោយខ្លួនឯងនៅប្រទេសជប៉ុនម្ដង មិនមែនមកអង្គុយមើលទៀតទេ។

ការនិយាយព្រលយសម្ដីស្រដៀងគ្នានេះអាចជាតម្រុយនៃជំនួបសងសឹករវាង Pacquaio និង Floyd ក្នុងប្រទេសជប៉ុនក្នុងពេលដ៏ខ្លីខាងមុខ។ អ្នកទាំងពីរធ្លាប់បង្កើតព្រឹត្តិការណ៍ប្រកួតជាប្រវត្តិសាស្ត្រខាង៧ឆ្នាំមុន ដោយកាលនោះ Pacquaio ចាញ់ទាំងមិនអស់ចិត្ត៕

ប្រភព៖ The Sun ប្រែសម្រួល៖ ហេង សុធារិទ្ធិ