ម៉ឺន មេឃា និង អាំម៉ារីន អាចនឹងលែងទៅវ៉ៃនៅថៃព្រោះហេតុនេះ...

2022-09-28 09:31:01
ចំនួនមតិ 0 | ចំនួនចែករំលែក 0

ចន្លោះមិនឃើញ

បើទោះជា អេ អាំម៉ារីន និង ម៉ឺន មេឃា ទទួលបានជ័យជម្នះលើកីឡាករម្ចាស់ផ្ទះថៃ និងធ្វើឲ្យកក្រើកអ្នកតាមដានគុនខ្មែរយ៉ាងណាក្ដី ប៉ុន្តែមានអ្នកគាំទ្រមួយចំនួនបញ្ចេញមតិរិះគន់ថាពួកគេវ៉ៃមិនសូវល្អ ខណៈម្ដាយកីឡាករទាំងពីរគ្រោងឈប់នាំកូនទៅប្រកួតទៀតហើយ។

អ្នកស្រី សាំង សុម៉ាលី និងកូន

នេះបើតាមការឡាយវីដេអូលើ់ហ្វេសបុកលោក អេ ភូថង ព្រឹកមិញនេះអ្នកស្រី សាំង សុម៉ាលី បង្ហាញការមិនសប្បាយចិត្តមួយចំនួនចំពោះអ្នកគាំទ្រខ្លះៗដែលបានធ្វើការរិះគន់ពីការប្រកួតរបស់ អេ អាំម៉ារីន និង ម៉ឺន មេឃា នៅឯប្រទេសថៃ។

កីឡាករ អេ អាំម៉ារីន

ក្នុងការលើកឡើងអំពីពាក្យរិះគន់នោះប្រពន្ធលោក អេ ភូថង បញ្ជាក់ពីការនិយាយរបស់គេថា «យកថៃដកដំឡូងឲ្យប្រកួតជាមួយកូនលោកស្រី។ វ៉ៃអន់ណាស់គួរយកកីឡាករនេះ កីឡាករនោះទៅវ៉ៃវិញ»។ ជាមួយពាក្យរិះគន់ទាំងនេះគឺធ្វើឲ្យលោកស្រីហាក់បាក់ទឹកចិត្ត ហើយប្រហែលឈប់នាំ អេ អាំម៉ារីន ម៉ឺន មេឃា ទៅវ៉ៃទៀតហើយ។

អាំម៉ារីន អេ យ៉ានុត និង មេឃា

រលឹកដែរថា កីឡាករ អេ អាំម៉ារីន ប្រកួតនៅថ្ងៃទី២៣ ខែកញ្ញា ២០២២ នេះគឺយកឈ្នះពិន្ទុលើម្ចាស់ផ្ទះថៃ ឈ្មោះ រ៉ាក់សុរិន្ ចំណែក ម៉ឺន មេឃា ផ្ដួលម្ចាស់ផ្ទះថៃឈ្មោះ ស្មិញនុម ផេតប៊ុនមី នៅទឹក៣៕

វីដេអូឡាយ៖

អត្ថបទ៖ នួន ស៊ីណា