អបអរ! ក្រុមហ៊ុនបច្ចេកវិទ្យាផ្ដល់សេវាកម្មបែបប្រណីត LM Car ចាប់ដៃ WEWATCH បង្ហាញបច្ចេកវិទ្យាថ្មី សម្រាប់កម្ពុជា

  • 2022-10-11 02:20:00
  • ចំនួនមតិ 0 | ចំនួនចែករំលែក 0

ចន្លោះមិនឃើញ


កាលពីថ្ងៃទី ៦ ខែ តុលា ឆ្នាំ ២០២២ ថ្មីៗនេះនៅការិយាល័យកណ្ដាលក្រុមហ៊ុន LM CAR មាន ការចុះហត្ថលេខាលើអនុស្សរណៈនៃការយោគយល់គ្នារវាងក្រុមហ៊ុន LM CAR CO., Ltd និង ក្រុមហ៊ុន We Watch CO., Ltd ជាមួយនឹងគោលបំណងបង្ហាញពីឆន្ទៈរវាងក្រុមហ៊ុនទាំងពីរក្នុងការសហការរួមគ្នា ទៅលើការធ្វើទីផ្សារ ប្រូម៉ូសិនរួមគ្នា និងការរីកចម្រើនរួមគ្នា ព្រមទាំងផ្ដល់ជូននូវបច្ចេកវិទ្យាចុងក្រោយបំផុតសម្រាប់ទីផ្សារកម្ពុជា។

ក្រុមហ៊ុនទាំងពីរមានការប្ដេជ្ញាចិត្តយ៉ាងខ្លាំងក្នុងការនាំយកអត្ថប្រយោជន៍ ប្រណីតភាព និង បទពិសោធថ្មីៗបន្ថែមទៀតដើម្បីបំពេញបន្ថែមឱ្យសមស្របទៅតាមស្ថានភាពរបស់សង្គមការអភិវឌ្ឍជឿនលឿននៃបច្ចេកវិទ្យា និងសេវាកម្មដែលមានភាពរីកចម្រើនឱ្យលើសពីតម្រូវការ និងការរំពឹងទុករបស់ទីផ្សារបច្ចុប្បន្ននេះ។

ក្នុងកម្មវិធីខាងលើនេះផងដែរ លោក Zheng Pei នាយកប្រតិបត្តិក្រុមហ៊ុន LM CAR ដែលជាក្រុមហ៊ុនផ្ដល់ជូននូវសេវាកម្មហៅតាក់ស៊ីទំនើប ប្រកបដោយប្រណីតភាពបានថ្លែងឱ្យដឹងថា៖

“កិច្ចសហប្រតិបត្តិការនេះនឹងផ្ដល់បទពិសោធដ៏អស្ចារ្យបន្ថែមទៀតអមដោយប្រណីតភាពខ្ពស់ សម្រាប់អតិថិជន ក៏ដូចជាប្រជាជនកម្ពុជាដែលប្រើប្រាស់សេវាកម្មរបស់LM CAR ផងដែរ”។

បន្ថែមពីលើប្រសាសន៍នាយកប្រតិបត្តិក្រុមហ៊ុន LM CAR ផងដែរ លោក ស្រី វ៉ាងសៀវហួរ នាយកប្រតិបត្តិក្រុមហ៊ុន We Watch ក៏បានលើកឡើងដោយក្ដីសោមនស្សរីករាយផងដែរថា “យើងរំភើបចំពោះកិច្ចសហការរវាង We Watch នឹង LM CAR ហើយយើងជឿជាក់ថាកិច្ចសហការនេះនឹងជួយឱ្យភាគីទាំងសងខាង រីកចម្រើន និង បង្កើនឱកាសអាជីវកម្មច្រើនជាមួយគ្នា” ។

ក្រុមហ៊ុន រថយន្ត តាក់ស៊ី ទំនើប LM CAR តែងតែផ្ដល់ជូនជាមួយនឹងសេវាកម្មដ៏ល្អ និងទាន់ចិត្តជូនដល់អតិថិជន។ ជាប្រភេទរថយន្តតាក់ស៊ីទំនើប លំដាប់ព្រីមៀម ដែលស័ក្កិសមសម្រាប់ធ្វើដំណើរប្រចាំថ្ងៃ ក៏ដូចជាចូលរួមក្នុងកម្មវិធីផ្សេងៗ។ បន្ថែមជាមួយនឹងការផ្ដល់ជូនដ៏ល្អប្រណិតគ្រប់រថយន្តតាក់ស៊ីទាំងអស់មានផ្ដល់ជូន ទឹកសុទ្ធ កន្សែងជូតដៃ ខ្សែសាកថ្មទូរសព្ទគ្រប់ប្រភេទ។ល។ ជាក់ស្ដែងគ្រប់រថយន្តទាំងអស់ សុទ្ធតែមានការសម្អាត ជាមួយនឹងថ្នាំ សម្លាប់មេរោគ GERMAGIC ជាប្រចាំ។

ផ្ដល់ជូនកាន់តែពិសេស ជូនដល់អ្នកប្រើប្រាស់សេវាកម្មរបស់ LM CAR ព្រោះថា ខាងក្រុមហ៊ុនតែងតែមានជាមួយនឹងកម្មវិធីប្រូម៉ូសិនផ្សេងៗ

តួយ៉ាងសម្រាប់ខែ តុលា នេះ លោកអ្នកអាចប្រើប្រាស់ជាមួយនឹងប្រូម៉ូកូដ៖

  • “LMOCTOBER” នឹងទទួលបានគូប៉ុង ១៥ ភាគរយ
  • “INTERCITY” នឹងទទួលបានការបញ្ចុះតម្លៃ ២០ ភាគរយ សម្រាប់ធ្វើដំណើរកម្សាន្តជិតឆ្ងាយ
  • “LMWEEKEND” នៅថ្ងៃចុងសប្ដាហ៍ ដើម្បីទទួលបានការបញ្ចុះតម្លៃ ៥០% សម្រាប់តែ ប្រភេទឡាន Deluxe and Business plus
  • “EASY2WORK” សម្រាប់តែការធ្វើដំណើរពីថ្ងៃ ច័ន្ទ រហូតដល់ថ្ងៃសៅរ៍ ចាប់ពីម៉ោង ៦ ព្រឹក រហូតដល់ម៉ោង ១០ព្រឹក តែប៉ុណ្ណោះ។

តោះទទួលយកបទពិសោធ ក្នុងការប្រើប្រាស់សេវាកម្មរថយន្តតាក់ស៊ីទំនើបរបស់ LM CAR។ កាន់តែសម្បូរបែប និងពិសេសជាងមុនទៅទៀតនោះ ក្រុមហ៊ុនទាំងពីរផ្ដល់ជូននូវ បទពិសោធប្រើប្រាស់សេវាកម្មកាន់តែប្រសើរ កាន់តែប្រណីត អស្ចារ្យជាងមុន ជាមួយនឹងអត្ថប្រយោជន៍ជាច្រើនបន្ថែម ទៀតដែលកើតឡើងចេញពីកិច្ចសហប្រតិបត្តិការប្រកបដោយផ្លែផ្កានេះ។

គូសបញ្ជាក់ផងដែរថា LM CAR ជាក្រុមហ៊ុន តាក់ស៊ីបែបប្រណីតប្រើប្រាស់បច្ចេកវិទ្យាជំនាន់ចុងក្រោយបំផុតឈានមុខគេនៅកម្ពុជា មានរថយន្តគ្រប់ប្រភេទសម្រាប់ការហៅ រាប់តាំងតែពី Classic Deluxe និង Business ជាដើម សុទ្ធសឹងជាឡានសេរីទំនើបដូចជា Prius Kia BYD។ សូម្បីតែត្រកូលអភិជនដូចជា HongQi និង Alphard រហូតដល់ Roll Royce ក៏ LM CAR ផ្ដល់ជូនឱ្យអតិថិជនគ្រប់ស្រទាប់ តាមតម្រូវការ។

សម្រាប់ព័ត៌មានបន្ថែម អាចចូលទៅកាន់៖

អត្ថបទ៖ សុខុន សុម៉ាភាវី

អត្ថបទពេញនិយម