មើលឈុតប្រពៃណីយើង ពាក់លើខ្លួនមេដឹកនាំទាំងអស់ ស្រស់ស្អាត ថ្លៃថ្នូរណាស់!

2022-11-13 02:19:55
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅថ្ងៃនេះបានឈានមកដល់ថ្ងៃចុងក្រោយនៃកិច្ចប្រជុំកំពូលអាស៊ាន និងកិច្ចប្រជុំកំពូលពាក់ព័ន្ធ ដែលកម្ពុជាធ្វើជាម្ចាស់ផ្ទះហើយ ខណៈនៅយប់មិញនេះ មានពិធីលៀងសាយភោជធំមួយជូនមេដឹកនាំអាស៊ាន និងមេដឹកនាំប្រទេសអឺរ៉ុបមួយចំនួន។

ក្នុងនាមម្ចាស់ផ្ទះ កម្ពុជាបានត្រៀមទុកឈុតសំលៀកបំពាក់ប្រពៃណីច្នៃពីហូលខ្មែរ សម្រាប់មេដឹកនាំទាំងអស់ដែលមានវត្តមានក្នុងកិច្ចប្រជុំកំពូលនេះ ពាក់ចូលរួមពិធីជប់លៀងដែលធ្វើឡើងនៅសណ្ឋាគារសុខាជ្រោយចង្វារ។ ពិធីនេះ ធ្វើឡើងមុនពេល មេដឹកនាំប្រទេសនានាវិលត្រឡប់ទៅប្រទេសពួកគេវិញរៀងខ្លួន បើទោះកិច្ចប្រជុំមិនទាន់ចប់ផ្លូវការក៏ដោយ ព្រោះថា មេដឹកនាំខ្លះ នឹងត្រូវវិលត្រឡប់ទៅប្រទេសកំណើតមុនបញ្ចប់កិច្ចប្រជុំទៅទៀត ជាក់ស្ដែងមេដឹកនាំប្រទេសឥណ្ឌូណេស៊ី នឹងត្រូវត្រឡប់ទៅប្រទេសវិញ ភ្លាម ដើម្បីធ្វើកិច្ចការមួយចំនួនត្រៀមសម្រាប់កិច្ចប្រជុំ G-20។

ដូច្នេះហើយ ទើបពិធីលៀងសាយភោជត្រូវធ្វើដើម្បីជាការថ្លែងអំណរគុណ ក៏ដូចជាជូនដំណើរមេដឹកនាំទាំងនោះ។ ចំណុចគួរកត់សម្គាល់ ពេលគ្រងឈុតប្រពៃណីយើងរបស់យើង មេដឹកនាំនីមួយៗ កាន់ស្រស់ស្អាត និងថ្លៃថ្នូរ។ ទស្សនាទាំងអស់គ្នា៖