ដឹងអត់ ពេលស្វាមីកំពុងជាប់ប្រជុំអាស៊ាន តើភរិយាមេដឹកនាំអាស៊ាននីមួយៗទៅណា?

2022-11-14 09:24:21
ចំនួនមតិ 0 | ចំនួនចែករំលែក 0

ចន្លោះមិនឃើញ

កិច្ចប្រជុំកំពូលអាស៊ាន និងកិច្ចប្រជុំកំពូលពាក់ព័ន្ធ គឺជាកិច្ចការដ៏សំខាន់ និងចាំបាច់បំផុតរបស់មេដឹកនាំអាស៊ាន មិនអាចខានបាន ហើយនៅក្នុងដំណើរមកចូលរួមប្រជុំនៅរាជធានីភ្នំពេញ បណ្ដាមេដឹកនាំទាំងនោះ ខ្លះក៏បាននាំជំទាវទី១របស់ខ្លួនមកចូលរួមដែរ។

កិច្ចប្រជុំផ្លូវការដ៏ធំបែបនេះ អាចត្រឹមតែនាំមក ប៉ុន្តែមិនអាចចូលរួមប្រជុំជាមួយនោះឡើយ ពោលគឺស្វាមី បំពេញកាតព្វកិច្ចការងារនេះតែម្នាក់ឯង។ ដោយឡែក ភរិយាៗដែលមិនចូលរួមប្រជុំ ត្រូវបានរៀបចំ ឲ្យធ្វើដំណើរកម្សាន្តទីកន្លែងសំខាន់ៗនានានៅក្នុងប្រទេសកម្ពុជា។

នៅក្នុងវីដេអូមួយបង្ហោះដោយទូរទស្សន៍ជាតិកម្ពុជា បានឲ្យដឹងថា លោកជំទាវទី១នៃបណ្ដាមេដឹកនាំអាស៊ាន ត្រូវបានគេរៀបចំដំណើរកម្សាន្តទៅកាន់រមណីយដ្ឋានអង្គរដ៏ល្បីរបស់ខ្មែរ។ លោកជំទាវភរិយាមេដឹកនាំអាស៊ានទាំងនោះមាន ភរិយានាយករដ្ឋមន្ត្រីថៃ ហ្វីលីពីន កូរ៉េជាដើម៕