កីឡាករលីគអេស្ប៉ាញម្នាក់ប្ដូរពីលេងនៅជម្រើសជាតិអង់គ្លេស ទៅលេងឱ្យក្រុមជម្រើសជាតិអាមេរិក

2022-11-25 12:39:56
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែការពារក្លឹប Valencia កីឡាករ Yunus Musah បានផ្លាស់ប្ដូរពីការលេងឱ្យក្រុមជម្រើសជាតិអង់គ្លេស ទៅលេងនៅក្រុមជម្រើសជាតិអាមេរិក។ កីឡាករកើតឆ្នាំ ២០០២រូបនេះ ធ្លាប់លេងនៅថ្នាលយុវជន Arsenal ហើយធ្លាប់ធ្វើជាប្រធានក្រុមឱ្យឈុត U-19 របស់ក្រុមជម្រើសជាតិអង់គ្លេសទៀតផង។

យ៉ាងណាមិញ កីឡាករដែលកើតនៅញូវយ៉ករូបនេះបានប្រាប់ BBC ថា នៅពេលខ្លួនទើបតែអាយុ ១៧ឆ្នាំ គ្រូក្រុមជម្រើសជាតិសហរដ្ឋអាមេរិកបានមកទាក់ទងខ្លួនឱ្យមកលេងនៅក្រុមឈុតធំរបស់អាមេរិកតែម្ដង។ នៅពេលនោះដែរ កីឡាកររូបនេះទើបតែស្ថិតនៅឈុតអាយុក្រោម ១៩ឆ្នាំរបស់អង់គ្លេសប៉ុណ្ណោះ។

ស្របពេលដែល អង់គ្លេស នឹងប៉ះជាមួយអាមេរិកនៅយប់ថ្ងៃសុក្រនេះ Musah បាននិយាយថា «ការប្រកួតនេះនឹងក្លាយជាការប្រកួតដ៏ធំបំផុតនៅក្នុងអាជីពរបស់ខ្ញុំ»។

កន្លងមក លោក Gareth Southgate អ្នកចាត់ការក្រុមអង់គ្លេសបានបង្ហាញពីចំណាប់អារម្មណ៍ក្នុងការនាំកីឡាករវ័យ ២០ឆ្នាំរូបនេះចូលលេងនៅក្នុងក្រុមជម្រើសជាតិអង់គ្លេស៕

ប្រភព៖ BBC ប្រែសម្រួល៖ ហ៊ីម រស្មី