អ្នកមានទេពកោសល្យផ្នែកឌីជីថល ពេលនេះសម្ដេចតេជោ ផ្ដល់អាហាររូបករណ៍ ៥០០កន្លែង!

2022-12-22 08:48:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ទន្ទឹមថ្ងៃប្រកាសលទ្ធផលបាក់ឌុបដែលមានអ្នកជាប់ចំនួន ៩០៩៥០នាក់ នោះ នៅរសៀលនេះ អាហាររូបករណ៍ចំនួន ៥០០កន្លែង បានត្រៀមផ្ដល់ជូនដល់ប្អូនៗដែលទើបជាប់បាក់ឌុបឆ្នាំនេះហើយ។

តាមសេចក្ដីជូនដំណឹងរបស់ក្រសួងប្រៃសណីយ នេះគឺជា "អាហារូបករណ៍ទេពកោសល្យឌីជីថលតេជោ (Techo Digital Talent Scholaship)។ អាហារូបករណ៍នេះ សម្ដេចតេជោ ហ៊ុន សែន បានផ្ដល់ដល់សិស្ស និស្សិតសិក្សាថ្នាក់បរិញ្ញាបត្រជំនាញបច្ចេកវិទ្យាឌីជីថលតាំងពីឆ្នាំ ២០២០មក។ មកដល់បច្ចុប្បន្នទទួលបានសិស្សអាហារូបករណ៍ចំនួន ២៥០រួចមកហើយ ដោយជ្រើសចេញពីសិស្សឆ្នើមទូទាំងប្រទេស។

ដោយមើលឃើញពីភាពជោគជ័យនៃកម្មវិធី "អាហារូបករណ៍ទេពកោសល្យឌីជីថលតេជោ" កម្មវិធីបានសម្រេចផ្ដល់អាហារូបករណ៍ឆ្នាំថ្មីនេះ ចំនួន ៥០០កន្លែងបន្ថែមទៀត សម្រាប់សិក្សានៅគ្រឹះស្ថានឧត្តមសិក្សារដ្ឋ និងឯកជនចំនួន ៤គឺ បណ្ឌិតសភាបច្ចេកវិទ្យាឌីជីថលកម្ពុជា(CADT) សាកលវិទ្យាល័យភូមិន្ទភ្នំពេញ(RUPP) វិទ្យាស្ថានបច្ចេកវិទ្យាកម្ពុជា(ITC) និងសាកលវិទ្យាល័យអាមេរិកាំងភ្នំពេញ (AUPP)ជាដើម។

ការផ្ដល់ជូនសម្រាប់តែសិស្សដែលជាប់បាក់ឌុបឆ្នាំសិក្សា ២០២០ នេះ និងទទួលបាននិទ្ទេស A,B,C ប៉ុណ្ណោះ។ បេក្ខជនទាំងអស់នឹងត្រូវឆ្លងកាត់ការប្រឡងប្រជែងលើវិញ្ញាសារ គណិតវិទ្យា តក្កវិទ្យា និងភាសាអង់គ្លេស៕

សូមអានលម្អិតសេចក្ដីជូនដំណឹងខាងក្រោម៖