កោះតៃវ៉ាន់ ប្រកាសជួយចិនដីគោក ក្នុងពេលដែលជំងឺរាតត្បាតកូវីដ១៩កំពុងហក់ឡើងខ្ពស់ខ្លាំង
- 2023-01-05 02:45:46
- ចំនួនមតិ 0 | ចំនួនចែករំលែក 0
កោះតៃវ៉ាន់ ប្រកាសជួយចិនដីគោក ក្នុងពេលដែលជំងឺរាតត្បាតកូវីដ១៩កំពុងហក់ឡើងខ្ពស់ខ្លាំង
ចន្លោះមិនឃើញ
ប្រធានាធិបតីកោះតៃវ៉ាន់លោកស្រី Tsai Ing-wen បានបង្ហាញនូវកាយវិការទន់ភ្លន់ទៅលើរដ្ឋាភិបាលក្រុងប៉េកាំងកាលពីថ្ងៃអាទិត្យម្សិលមិញដោយសន្យាថានឹងផ្តល់ជំនួយដល់ចិនដីគោក ប្រសិនបើចាំបាច់ ស្របពេលដែលជំងឺរាតត្បាតកូវីដ១៩នៅចិនដីគោកកំពុងហក់ឡើងខ្ពស់ខ្លាំង បន្ទាប់ពីចិនបានប្រកាសលុបចោលវិធានការរឹតបន្តឹងភា្លមរបស់ខ្លួននោះ។
ប្រទេសចិនកំពុងប្រឈមនឹងការផ្ទុះរាលដាលករណីឆ្លងនៃជំងឺកូវីដ១៩ បន្ទាប់ពីខ្លួនបានលុបចោលនូវគោលនយោបាយគ្មានជំងឺកូវីដ១៩របស់ខ្លួនកាលពីខែមុន គឺ៣ឆ្នាំបន្ទាប់ពីវីរុសកូរ៉ូណាបានកើតឡើងជាដំបូងនៅក្នុងទីក្រុង Wuhan ប្រទេសចិន។
មន្ទីរពេទ្យនានានៅក្នុងប្រទេសចិន កំពុងមានអ្នកជំងឺណែនពេញត្រៀបត្រាដែលភាគច្រើនជាមនុស្សចាស់ ហើយកន្លែងបូជាសពគ្មានពេលទំនេរឡើយ ស្របពេលដែលឱសថស្ថាននានាអស់ថ្នាំជំងឺគ្រុនក្តៅនោះ។ ក្នុងសុន្ទរកថានៃឱកាសចូលឆ្នាំសាកល លោកស្រី Tsai បានគូសបញ្ជាក់ថា «ប្រសិនបើមានសេចក្តីត្រូវការចាំបាច់នោះ យើងមានឆន្ទៈក្នុងការផ្តល់នូវជំនួយចាំបាច់នានា ដោយឈរលើមូលដ្ឋានមនុស្សធម៌»៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
