ជាប់បាក់ឌុបហើយ មិនដឹងរៀនជំនាញអី ស្អែកក្រសួងនឹងបង្ហាញ ជំនាញដែលឆ្លើយតបទីផ្សារការងារនោះហើយ!

2023-01-05 03:40:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រសួងអប់រំ យុវជន និងកីឡា បានប្រកាសរៀបចំពិព័រណ៌អប់រំមួយ ដោយមានគោលដៅ៣សំខាន់ៗ ហើយមួយក្នុងចំណោមនោះ គឺដើម្បី ដើម្បីតម្រង់ទិសចាប់យកមុខជំនាញសិក្សាឆ្លើយតបទីផ្សារការងារ។

ពិព័រណ៌នេះមានឈ្មោះផ្លូវការថា កម្មវិធី “ពិព័រណ៍ជំនាញ និងសាកលវិទ្យាល័យ២០២៣” ។ តាមការបញ្ជាក់របស់ក្រសួងអប់រំ កម្មវិធី នឹងត្រូវរៀបចំឡើយរយៈពេល២ថ្ងៃ ចាប់ផ្ដើមពីថ្ងៃស្អែកទី ០៦-០៧ ខែមករា ឆ្នាំ២០២៣។

កម្មវិធីពិព័រណ៍ជំនាញ និងសាកលវិទ្យាល័យ មានគោលបំណងធំៗ ចំនួន៣៖

ចែករំលែករាល់បទពិសោធន៍ និងតម្រង់ទិសចាប់យកមុខជំនាញសិក្សាឆ្លើយតបទីផ្សារការងារ
ស្វែងរកឱកាសក្នុងការអភិវឌ្ឍសមត្ថភាព ចំណេះ ជំនាញ
ជម្រុញឱ្យយុវជនមានភាពក្លាហានក្នុងការប្រកួតប្រជែងរាល់កម្មវិធីអប់រំ

សម្រាប់ទីកន្លែងរៀបចំពិព័រណ៌ គឺស្ថិតនៅក្នុងវិទ្យាស្ថានបច្ចេកវិទ្យាកម្ពុជា (សាលាតិចណូ)។ ប្រិយមិត្តអាចធ្វើការចុះឈ្មោះចូលរួម ដោយឥតគិតថ្លៃ តាមតំណរនេះ ៖ https://forms.gle/VGs5rLNVmjBWJEMM7

អត្ថបទ៖ ទារិកា