ជើងខ្លាំងប្រណាំងម៉ូតូ CROSS ១១៥នាក់នឹងចូលរួមប្រកួតក្នុងព្រឹត្តិការណ៍ OFF ROAD សន្តិភាព

2023-01-09 07:50:22
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាករជើងខ្លាំងប្រណាំងម៉ូតូ CROSS ចំនួន ១១៥នាក់នឹងចូលរួមប្រកួតក្នុងព្រឹត្តិការណ៍កីឡាប្រណាំងយានយន្ត OFF ROAD សន្តិភាព ឆ្នាំ២០២៣ នៅទីលាន ១២ម៉ូទ័រផាក ខេត្តមណ្ឌលគិរីខាងមុខនេះ។

លោក ឈឹម នរិន្ទ

លោក ឈឹម នរិន្ទ ប្រធានគណៈកម្មការរៀបចំប្រណាំងម៉ូតូ Cross នៃព្រឹត្តិការណ៍កីឡាប្រណាំងយានយន្ត OFF ROAD សន្តិភាព ឆ្នាំ២០២៣ បានបញ្ជាក់ថា មកដល់ពេលនេះការចុះឈ្មោះចូលរួមប្រកួតផ្នែកម៉ូតូ មានកីឡាករជាតិ-អន្តរជាតិចំនួន ១១៥នាក់ហើយដើម្បីត្រៀមចូលរួមប្រកួតប្រជែងលើ ៥ Class នៅថ្ងៃទី១៣-១៥ ខែមករា ។

រូបភាពផ្ដល់ជូន

អ្នកជំនាញរូបនេះបានលើកឡើងទៀតថា ក្នុងចំណោមកីឡាករ ១១៥នាក់នេះគឺមានកីឡាករជាតិ-អន្តរជាតិ ដែលរស់នៅកម្ពុជា និងមកពីក្រៅប្រទេស។ កីឡាករបរទេសទាំងនោះគឺមានមកពីបារាំង ស្កុតឡែន វៀតណាម ថៃ កូរ៉េជាដើម ខណៈការប្រកួតត្រូវបានចែកចេញជា៥ Class ដូចជា Class-A Class-B Class-C Class-VIP និងClass Lady-Kid។

បញ្ជាក់ដែរថា ព្រឹត្តិការណ៍កីឡាប្រណាំងយានយន្ត OFF ROAD សន្តិភាព ឆ្នាំ២០២៣ នេះធ្វើឡើងនៅទីលាន ១២ម៉ូទ័រផាក ខេត្តមណ្ឌលគិរី ចាប់ពីថ្ងៃទី១៣ ដល់ ១៥ ខែមករា ខាងមុខនេះ៕