វ្ល៉ាឌីមៀ ពូទីន ធ្លាប់បានគំរាមសម្លាប់លោក បូរីស ចនសុន ដោយប្រាប់អតីតនាយករដ្ឋមន្ត្រីថា "ខ្ញុំមិនចង់ធ្វើឱ្យអ្នកឈឺចាប់ទេ ប៉ុន្តែជាមួយនឹងកាំជ្រួច វាចំណាយពេលត្រឹមតែមួយនាទីប៉ុណ្ណោះ"។

លោក Johnson បានបង្ហាញពីរបៀបបន្ទាប់ពីដំណើរទស្សនកិច្ចរបស់លោកទៅកាន់ទីក្រុង Kyiv របស់អ៊ុយក្រែនកាលពីដើមខែកុម្ភៈឆ្នាំមុន លោកបាន​និយាយ​ទូរស័ព្ទ​រយៈពេលវែងមួយជាមួយប្រធានាធិបតីរុស្ស៊ី។ លោកថានៅពេលនោះ លោក ពូទីន បាននិយាយ​ថា រុស្ស៊ីមិនមានផែនការឈ្លានពានអ៊ុយក្រែនទេ ប៉ុន្តែកងវរសេនាតូចរុស្ស៊ីបន្តបន្ទាប់កំពុងធ្វើដំណើរទៅកាន់ព្រំដែន។

"គាត់បាននិយាយថា "Boris អ្នកនិយាយថាអ៊ុយក្រែន នឹងមិនចូលរួមជាមួយណាតូនៅពេលឆាប់ៗនេះទេ។ […] តើ​មាន​ពេល​ណា​ឆាប់?’ ហើយ​ខ្ញុំ​បាន​និយាយ​ថា ‘ពួកគេ​នឹង​មិន​ចូល​រួម​ជា​មួយ​ណាតូ​សម្រាប់​អនាគត​ដ៏​ខ្លី​ខាង​មុខ​នេះ​ទេ។ រឿង​នេះ លោក​ដឹង​ច្បាស់​ណាស់" លោក Johnson ថ្លែង។

លោក Johnson បន្ត​ថា "គាត់បានគម្រាមខ្ញុំនៅពេលមួយ ថា 'Boris ខ្ញុំមិនចង់ធ្វើឱ្យអ្នកឈឺចាប់ទេ ប៉ុន្តែជាមួយនឹងកាំជ្រួច វាចំណាយពេលត្រឹមតែមួយនាទីប៉ុណ្ណោះ…!"។

“ខ្ញុំគិតថា ពីទឹកដមសម្លេងដ៏ធូរស្រាលដែលគាត់កំពុងទទួលយក ប្រភេទនៃខ្យល់នៃការផ្ដាច់ខ្លួនដែលគាត់ហាក់ដូចជាមាន គាត់គ្រាន់តែលេងជាមួយការព្យាយាមរបស់ខ្ញុំដើម្បីឲ្យគាត់ចរចា។

អតីតនាយករដ្ឋមន្ត្រី​អង់គ្លេស បន្ត​ថា លោក​បាន​លឺ​សំឡេង​គម្រាម​ដ៏​ស្រួចស្រាល​នេះ​ពី​មាត់​ពូទីន អំឡុង​ពេល​លោក​កំពុងព្យាយាម​បញ្ចុះបញ្ចូល ពូទីន ទៅតុចរចា៕

ប្រភព៖ Express   ប្រែ​សម្រួល៖ ទារិកា