គ្រូបាល់ទះ U-19 បារាំង៖ នឹងផ្ដល់បទពិសោធល្អៗដល់កម្ពុជាត្រៀមស៊ីហ្គេម បន្ទាប់ពីប្រកួតមិត្តភាព

2023-02-15 02:59:30
ចំនួនមតិ 0 | ចំនួនចែករំលែក 0

ចន្លោះមិនឃើញ

គ្រូបង្វឹករបស់ក្រុមបាល់ទះ U-19 បារាំង ថាក្រុមរបស់លោកនឹងផ្ដល់បទពិសោធល្អៗ និងប្រឹងប្រកួតឲ្យបានល្អដើម្បីឲ្យក្រុមកម្ពុជាយកបទពិសោធទៅពង្រឹងសមត្ថភាពបន្ថែមត្រៀមប្រកួតស៊ីហ្គេម លើកទី៣២នេះ។

ទិដ្ឋភាពម្សិលមិញ

លោក Slimane Belmadi គ្រូធំរបស់ក្រុមបាល់ទះ U-19 ថាលោករីករាយដែលបានមកកម្ពុជាក៏ដូចជារីករាយដែលមានការប្រកួតបាល់ទះមិត្តភាពជាមួយក្រុមជម្រើសជាតិកម្ពុជា។

លោក Slimane Belmadi (ស្ដាំ)

គ្រូបង្វឹកខាងលើបន្ថែមទៀតថា ក្រុមរបស់លោកនឹងប្រឹងលេងឲ្យបាន ដើម្បីឲ្យខាងកីឡាករកម្ពុជាមើលឃើញពីចំណុចខ្លាំង បច្ចេកទេសល្អៗ នៅពេលប្រកួតយកគំរូតាមក៏ដូចជាហ្វឹកហាត់លើបច្ចេកទេសទាំងនេះពង្រឹងសមត្ថភាពបន្ថែមឆ្ពោះទៅការប្រកួតនៅស៊ីហ្គេម លើកទី៣២ ខែឧសភា ខាងមុខ។

ទិដ្ឋភាពម្សិលមិញ

រំលឹកដែរថា ម្សិលមិញនេះក្រុមជម្រើសជាតិបាល់ទះ U-19 របស់ប្រទេសបារាំង បានមកដល់កម្ពុជាហើយ។ សម្រាប់ការប្រកួតមិត្តភាពរវាងកម្ពុជា បារាំង នេះនឹងធ្វើឡើងនៅថ្ងៃទី១៩ ខែកុម្ភៈ ឆ្នាំ២០២៣ នៅសាលក្នុងវិមានពហុកីឡដ្ឋានជាតិ។ ចំណែកប្រកួតលើកទី២ នឹងធ្វើឡើងនៅថ្ងៃទី២២ ខែកុម្ភៈ ២០២៣៕

អត្ថបទ៖ នួន ស៊ីណា