ឯកឧត្ដម អ៊ុក សិទ្ធិជាតិ៖ គោរព និងសរសើរទឹកចិត្តកីឡាករខំពុះពារហ្វឹកហាត់ត្រៀមស៊ីហ្គេម ២០២៣

2023-02-23 10:31:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ឯកឧត្ដម អ៊ុក សិទ្ធិជាតិ គោរព និងកោតសរសើរចំពោះទឹកចិត្តក្រុមជម្រើសជាតិដែលខំប្រឹងប្រែងហ្វឹកហាត់ត្រៀមស៊ីហ្គេម ២០២៣ ជាខ្លាំងនាពេលកន្លងមកនេះ។

រូបភាពអគ្គនាយកដ្ឋានកីឡា

ឯកឧត្ដម អ៊ុក សិទ្ធិជាតិ តំណាងឯកឧត្ដមបណ្ឌិត ហង់ជួន ណារ៉ុន បានលើកឡើងក្នុងពិធីសំណេះសំណាល និងលើកទឹកចិត្តក្រុមជម្រើសជាតិ ឯកឧត្ដមសូមវាយតម្លៃខ្ពស់ចំពោះកិច្ចសហការរបស់ក្រសួងអប់រំ គណៈកម្មាធិការជាតិអូឡាំពិកកម្ពុជា និងសហព័ន្ធកីឡាជាតិ ដែលកំពុងយកចិត្តទុកដាក់ដល់ការបោះជំរំហ្វឹកហាត់របស់ក្រុមជម្រើសជាតិកម្ពុជាទាំងក្នុងស្រុក និងក្រៅស្រុកដើម្បីត្រៀមឆ្ពោះទៅប្រកួតប្រជែងមេដាយ ស៊ីហ្គេម-អាស៊ានប៉ារ៉ាហ្គេម ឆ្នាំ២០២៣ នៅពហុកីឡដ្ឋានជាតិមរតកតេជោ។

រូបភាពអគ្គនាយកដ្ឋានកីឡា

ក្នុងនាមក្រសួងអប់រំ កោតសរសើរចំពោះការលះបង់ពុះពារការលំបាក យកអស់ស្មារតីខិតខំហ្វឹកហាត់ក្នុងការបង្កើនគុណផលរបស់កីឡាករ កីឡាការិនី គ្រូបង្វឹកដើម្បីត្រៀមប្រកួតដណ្ដើមមេដាយជូនជាតិក្នុងព្រឹត្តិការណ៍កីឡាជាប្រវត្តិសាស្ត្រដំបូងរបស់កម្ពុជា។

រូបភាពអគ្គនាយកដ្ឋានកីឡា

បញ្ជាក់ដែរថា ម្សិលមិញនេះតំណាងក្រសួងអប់រំ យុវជន និងកីឡា បានអញ្ជើញទៅសំណេះសំណាល និងលើកទឹកចិត្តកីឡាករ កីឡាការិនីជម្រើសជាតិនៅពហុកីឡដ្ឋានមរតកតេជោ ដែលកំពុងហ្វឹកហាត់ត្រៀមស៊ីហ្គេម លើកទី៣២ ឆ្នាំ២០៣ អំឡុងខែឧសភា។

អត្ថបទ៖ នួន ស៊ីណា