អបអរអង្គរសង្ក្រាន្តឆ្នាំនេះ៖ ស.ស.យ.ក នឹងរៀបចំរត់ប្រណាំង និងជិះកង់កម្សាន្តនៅថ្ងៃទី ៨-៩ មេសា

2023-03-24 16:15:59
ចំនួនមតិ 0 | ចំនួនចែករំលែក 0

ចន្លោះមិនឃើញ

សហភាពសហព័ន្ធយុវជនកម្ពុជា (ស.ស.យ.ក) ដើម្បីជាការអបអរអង្គរសង្ក្រាន្តឆ្នាំនេះនឹងរៀបចំព្រឹត្តការណ៍កីឡាចំនួន២ គឺរត់ប្រណាំង និងជិះកង់កម្សាន្តនៅថ្ងៃទី៨-៩ ខែឧសភា ឆ្នាំ២០២៣ នៅក្នុងបរិវេណឧទ្យានអង្គរ ខេត្តសៀមរាប។

រូបភាពផ្ដល់ជូន

ព្រឹត្តិការណ៍រត់ប្រណាំង និងជិះកង់កម្សាន្តនេះដើម្បីផ្សព្វផ្សាយ និងអបអរសាទរការមកដល់នៃពិធីជួបជុំគ្រួសារខ្មែរនៅព្រឹត្តិការណ៍អង្គរសង្ក្រាន្ត ខេត្តសៀមរាប។ ព្រឹត្តិការណ៍រត់ និងជិះកង់នេះ គឺជាព្រឹត្តិការណ៍ដំបូងដែលរៀបចំដោយសហភាពសហព័ន្ធយុវជនកម្ពុជា សហការជាមួយសហព័ន្ធកីឡាអត្តពលកម្មដើម្បីផ្តល់ឱកាសដល់ប្រជាពលរដ្ឋខ្មែរដែលស្រលាញ់កីឡាបានបញ្ចេញសមត្ថភាព បច្ចេកទេស និងការបណ្ដុះបណ្ដាល ដើម្បីទទួលបានបទពិសោធន៍ និងជាការត្រៀមខ្លួនសម្រាប់ការប្រកួតផ្សេងៗនៅពេលខាងមុខ។

រូបភាពផ្ដល់ជូន

មួយវិញទៀតក៏ជាការអបអរសាទរការឈានមកដល់ព្រឹត្តិការណ៍អង្គរសង្ក្រាន្ដ និងការប្រកួតកីឡា ស៊ីហ្គេម លើកទី៣២ និងអាស៊ានប៉ារ៉ាហ្គេម លើកទី១២ ដែលនឹងមកដល់នៅថ្ងៃទី៥ ខែឧសភា ឆ្នាំ២០២៣ ដែលជាព្រឹត្តិការណ៍ប្រវត្តិសាស្ត្ររបស់កម្ពុជាដែលរង់ចាំអស់រយៈពេល ៦៤ឆ្នាំមកនេះ៕

អត្ថបទ៖ នួន ស៊ីណា