ល្ហិចល្ហៀង​ថា​ លោក Ole Gunnar Solskjaer អតីត​អ្នក​ចាត់ការ​ក្លឹប Manchester United នឹង​ត្រលប់​មក​កាន់​ពិភព​បាល់ទាត់​វិញ ដោយ​កាន់​ក្លឹប​មួយ​ដែល​មាន​តំណែង​នៅ​ក្នុង​ក្របខ័ណ្ឌ​ UEFA Champions League នា​ពេល​អនាគត។ នេះ​បើ​តាម​ការ​ចុះ​ផ្សាយ​របស់​សារព័ត៌មាន Daily Mail។

ប្រភព​ខាង​លើ​បាន​ឱ្យ​ដឹង​ថា លោក Ole ស្ថិត​ក្នុង​ជា​បេក្ខភាព​មួយ​រូប​ ដែល​ក្លឹប​បែលហ្សិក Club Brugge កំពុង​ទាក់ទង​ទៅ​កាន់​តំណែង។

ក្លឹប Brugge ច្រើន​តែ​បង្ហាញ​មុខ​នៅ​ក្នុង​ព្រឹត្តិការណ៍ UEFA Champions League ជា​ច្រើន​ឆ្នាំ។ យ៉ាងណាមិញ Brugge នៅ​ពេល​នេះ​កំពុង​តែ​ត្រដាបត្រដួស ជាមួយ​នឹង​ទម្រង់លេងរបស់ខ្លួន ដោយ​ក្លឹប​នេះ​បាន​ផ្លាស់ប្ដូរគ្រូ​អស់​ជា​ច្រើន​សារ​ហើយ​នៅ​មួយ​រយៈ​ចុង​ក្រោយ។

លោក Ole បាន​ចាកចេញ​ពី​ពិភពបាល់ទាត់​ចង់​ ២ឆ្នាំ​ហើយ ក្រោយ​ពី​ចែកផ្លូវគ្នា​ជាមួយ Manchester United កាល​ពី​ឆ្នាំ២០២១៕