ប្រយ័ត្នជួយលែងបាន! បើសុខៗស្រាប់តេក្តៅខ្លួនខ្លាំងភ្លាមៗលើសពី ៣៨អង្សារសេ ត្រូវទៅពេទ្យឱ្យបានលឿនបំផុត

2023-06-16 03:59:36
ចំនួនមតិ 0 | ចំនួនចែករំលែក 0

ចន្លោះមិនឃើញ

យោងតាមសេចក្តីណែនាំរបស់ក្រសួងសុខាភិបាលស្តីពីវិធានការទប់ស្កាត់ជំងឺគ្រុនឈាម នៅកម្ពុជាក្នុងឆ្នាំ២០២៣ បានក្រើនរំលឹកថា ករណីមានរោគសញ្ញាក្តៅខ្លួនខ្លាំងភ្លាមៗលើសពី ៣៨ អង្សារសេ ត្រូវប្រញាប់នាំអ្នកជំងឺទៅរកសេវាពិនិត្យ និងព្យាបាលរបស់រដ្ឋ ដូចជា មណ្ឌលសុខភាព និងមន្ទីរពេទ្យ ដែលនៅជិតបំផុតជាបន្ទាន់ (មិនឱ្យយឺតជាង ៧២ម៉ោង បន្ទាប់ពីក្តៅខ្លួន) ហើយ សូមកុំសាកល្បងព្យាបាលអ្នកជំងឺគ្រុនក្តៅខ្លាំងភ្លាមៗនេះ ដោយខ្លួនឯង ឬពន្យារពេលតាមដានព្យាបាលជំងឺនៅក្នុងសេវាឯកជនដែលគ្មានសមត្ថភាពផ្នែកជំងឺគ្រុនឈាមនេះឱ្យសោះ។

សូមជម្រាបថា សារខាងលើនេះ គឺជាវិធានមួយក្នុងចំណោមវិធានការចំនួន៥ ដើម្បីទប់ស្កាត់ការផ្ទុះឡើងនូវជំងឺគ្រុនឈាមធំធេងក្នុងសហគមន៍។

បើតាមក្រសួងឱ្យដឹងថា ជំងឺគ្រុនឈាមក្នុងអំឡុង ២១សប្តាហ៍ ដើមឆ្នាំ២០២៣នេះ មានចំនួន ៣៤៣៩ករណី។ ការចម្លងជំងឺគ្រុនឈាម បានចាប់ផ្តើមកើនឡើងនៅតាមភូមិ ឃុំ និងទីប្រជុំជននៃបណ្តាខេត្តមួយចំនួន ជាពិសេស ខេត្តដែលមានការដ្ឋានសំណង់ច្រើន និងមានប្រជាជនរស់នៅច្រើនកុះករ។

ក្រសួងបន្តថា កំណើននៃករណីជំងឺគ្រុនឈាមនាពេលនេះ តម្រូវឱ្យមានការយកចិត្តទុកដាក់ខ្ពស់ និងការចូលរួមពីប្រជាពលរដ្ឋគ្រប់រូប ក្នុងការពង្រឹងអនុវត្តវិធានការការពារសុខភាពឱ្យបានល្អ ចៀសផុតពីការឆ្លងជំងឺគ្រុនឈាម ដោយសារសត្វមូសខ្លាញីខាំ ដែលបានកើតឡើងដោយសារពពួកដង្កូវទឹក៕