អ្នកដែលទិញផ្ទះបុរី ចង់ដឹងថាបុរីដែលខ្លួនទិញស្របច្បាប់ឬអត់ ឥឡូវអាចផ្ទៀងផ្ទាត់បានហើយ!

2023-06-21 08:43:51
ចំនួនមតិ 0 | ចំនួនចែករំលែក 0

ចន្លោះមិនឃើញ

នាពេលបច្ចុប្បន្ន មានពលរដ្ឋកម្ពុជាវណ្ណៈកណ្ដាលជាច្រើនបាន និងកំពុងរស់នៅក្នុងបុរីដោយខ្លះបានទិញដាច់ អ្នកខ្លះបង់រំលស់។ បើទោះទិញក្នុងលក្ខខណ្ឌណាក៏ដោយ អ្វីដែលត្រូវតែប្រាកដនោះ ថាតើផ្ទះ ឬបុរីដែលយើងកំពុងស្នាក់នៅនោះ មានច្បាប់ត្រឹមត្រូវឬអត់។

រូបតំណាង

នេះជាចំណុចដ៏រសើបមួយនៅក្នុងវិស័យអចលនទ្រព្យនៅកម្ពុជា ខណៈចចាមអារ៉ាមខ្លះ ក៏បានលើកឡើងថា បុរីខ្លះ ប្លង់មេត្រូវដាក់បញ្ចាំនៅធនាគារដើម្បីយកប្រាក់មកវិនិយោគ។ ឥឡូវនេះ លាងជម្រះមន្ទិលខ្លះចំពោះបុរីដែលមានវត្តមាននៅកម្ពុជា និយ័តករអាជីវកម្មអចលវត្ថុ និងបញ្ចាំ(ន.អ.ប) បានចេញសេចក្ដីជូនដំណឹងមួយនៅថ្ងៃនេះ។

តាមសេចក្តីជូនដំណឹង របស់និយ័តករអាជីវកម្មអចលនវត្ថុនិងបញ្ចាំ(ន.អ.ប) បានឲ្យដឹងថា បច្ចុប្បន្នមាន គម្រោងអភិវឌ្ឍលំនៅឋានចំនួន ០៤ គម្រោង ដែលកំពុងដំណើរការដោយគ្មានអាជ្ញាបណ្ណពី ន.អ.ប។

គម្រោងអភិវឌ្ឍទាំងនោះមាន៖

១.បុរី ធីវី ស្តា ស្ថិតនៅក្នុងភូមិសាស្ត្រ សង្កាត់ព្រៃស ខណ្ឌដង្កោរ

២.បុរី ទ្រី គឹម កួរស្រូវ ស្ថិតក្នុងភូមិសាស្ត្រ សង្កាត់ព្រែកកំពិស ខណ្ឌដង្កោរ

៣.សំណង់ផ្ទះល្វែង អិលវី ស្ថិតក្នុងភូមិសាស្ត្រ សង្កាត់ចោមចៅ ខណ្ឌពោធិ៍សែនជ័យ

៤. បុរី The Royal Gaden ស្ថិតក្នុងភូមិសាស្ត្រ សង្កាត់ក្រាំងធ្នង់ ខណ្ឌសែនសុខ