ពិតជាមានទឹកចិត្តប្រពៃមែន អ្នកផលិតវីដេអូរចែករំលែកណែនាំអំពីប្រវត្តិសាស្ត្រសំណង់អគារប្រាសាទបុរាណក្នុង និងក្រៅប្រទេស លោក Rick kh នឹងចំណាយថវិកាខ្ទង់ពាន់ដុល្លារ ដែលបានពីការរកចំណូលផ្ទាល់ខ្លួនជួយដល់អ្នកខ្វះខាត កុមាកំព្រា ក្រីក្រ។

តាមរយៈទំព័រហ្វេសប៊ុកផ្លូវការរបស់លោក Rick Kh បានឱ្យដឹងថា លោកនឹងចំណាយថវិការផ្ទាល់ខ្លួន ព្រមទាំងទទួលបានពីអង្គការ និងតំបន់ទេសចរណ៍ថែមគុណនឹង២ទៀត ហើយថវិកាខ្លះ គឺបានមកពីបងប្អូនដែលបានទស្សនាវីដេអូលោកផ្ទាល់នាពេលកន្លងមក ដែលធ្វើឱ្យលោកមានចំណូលអាចជួយដល់ពលរដ្ឋ និងកុមារក្រីក្រលំបាកពិតប្រាកដដោយផ្ទាល់ដៃតែម្ដង។

ទន្ទឹមនឹងនោះ ការប្រកាសធ្វើទង្វើសប្បុរសធម៌នេះ លោក Rick Kh បានបញ្ជាក់ថា បើបងប្អូនចង់មកចូលរួមជួយ ឬផ្ញើរបស់ប្រើប្រាស់ល្អៗឱ្យដល់ពួកគាត់សូមទំនាក់ទំនងផ្ញើមកក្រុមការងាររបស់លោកបានតាមរយៈបណ្តាញសង្គមរបស់លោកផ្ទាល់ ។

គួរបញ្ជាក់ថា ជុំវិញនឹងការផុសសាររបស់លោក Rick Kh ខាងលើ ក៏មានមហាជនអ្នកគាំទ្រលោកមិនតិចអ្នកទេបានចូលទៅកោតសរសើរនៅទឹកចិត្តដ៏ប្រពៃរបស់លោកហ៊ានលះបង់នៅកម្លាំងកាយកម្លាំងចិត្តព្រមទាំងថវិកាផ្ទាល់ខ្លួនជួយដល់អ្នកដែលខ្វះខាតពិតប្រាកដដោយមិនរុញរានោះឡើយ៕