ទូរស័័ព្ទដំបូងគេដែលមានទំហំរ៉េម រហូតដល់ទៅ 24GB នោះគឺជាស្មាតហ្វូនរបស់ក្រុមហ៊ុនផលិតទូរស័ព្ទ ZTE ដែលទើបប្រកាសចេញកាលពីពេលថ្មីៗនេះ។

ZTE ជាក្រុមហ៊ុនផលិតទូរស័ព្ទរបស់ប្រទេសចិន ហើយនៅពេលថ្មីៗនេះបានប្រកាសចេញនូវស្មាតហ្វូនមួយឈ្មោះ REDMAGIC 8S Pro ដែលមានទំហំរ៉េមរហូតដល់ទៅ 24GB នេះជាទូរស័ព្ទលើលោកដំបូងគេដែលមានទំហំរ៉េមធំបែបនេះ។ ស្មាតហ្វូន REDMAGIC 8S Pro នឹងមកជាមួយនឹងឈីបប្រភេទ Snapdragon 8 Gen 2 ជាមួយនឹងកាមេរ៉ាខាងក្រោយទំហំ 50 Megapixels។

ដោយសារតែវាជាប្រភេទទូរស័ព្ទផ្តោតសំខាន់សម្រាប់លេងហ្គេម ZTE បានបំពាក់ថ្មទំហំ 6000 មីលីអំពែរលើទូរស័ព្ទនេះ។ ចំពោះតម្លៃដែលបានប្រកាសដាក់លក់នៅក្នុងប្រទេសចិន ស្មាតហ្វូន REDMAGIC 8S Pro មានតម្លៃ ៥៥២ដុល្លារសម្រាប់ប្រភេទដែលមានទំហំអង្គផ្ទុកទិន្នន័យ 128GB/8GB Ram។ រីឯម៉ូដែលដែលមានរ៉េម 24GB និងអង្គផ្ទុកទិន្នន័យទំហំ 1TB វាមានតម្លៃប្រមាណ ១០៣៦ដុល្លារ៕