លោកអ្នកប្រាកដជាបានស្គាល់ Rick Kh ដែលតែងតែចែករំលែកចំណេះដឹងជាច្រើន តាមរយៈវីដេអូស្រាវជ្រាវបុរាណវិទ្យា និង វីដេអូបែបកំសាន្តជាច្រើនផងដែរនៅក្នុងបណ្តាញសង្គម ដែលលោកទទួលបានការស្រឡាញ់គាំទ្រពីសំណាក់មហាជនយ៉ាងច្រើន ។

មិនត្រឹមតែមានរូបរាងសង្ហារប៉ុណ្ណោះទេ លោក Rick Kh ជាបុគ្គលពោពេញទៅដោយចំណេះដឹងជាច្រើន ទាំងអក្សរសាស្រ្តខ្មែរ ភាសាអន្តរជាតិ និងវោហាស័ព្ទគួរអោយចង់ស្តាប់ ហើយ គ្រប់វីដេអូទាំងអស់ដែលលោក Rick Kh បាន Post ចូលក្នុងបណ្តាញសង្គម មានអ្នកចូលមើលរាប់លានដង និងមានអ្នកចែករំលែកពីម្នាក់ទៅម្នាក់ គួរអោយកត់សម្គាល់ផងដែរ ។

គ្រប់វីដេអូដែល លោក Rick Kh បង្កើតឡើងសុទ្ធសឹងតែជាវីដេអូចែករំលែកពាក់ព័ន្ធនិង ប្រាសាទ អក្សសាស្រ្ត សារមន្ទីជាតិ និងតំបន់កំសាន្ត ជាច្រើនមួយចំនួនទៀត អោយបងប្អូនប្រជាជនខ្មែរបានស្គាល់និងបានយល់ដឹងដែរ ។

លោក Rick Kh ក៍ចូលចិត្តដើរកំសាន្តនៅក្រៅប្រទេសជាច្រើនប្រទេស ហើយគ្រប់ដំណើរកំសាន្តរបស់លោកតែងតែផ្តិតយកនៅវីដែអូ មកចែករំលែកអោយបងប្អូនខ្មែរបានទស្សនា ប្រៀបដូចជាបានទៅទស្សនាផ្ទាល់ៗពេលបានមើលវីដេអូរបស់លោករួចហើយ ។

គួររំលឹកផងដែរ លោក Rick Kh មានឈ្មោះពិត Orn Richard ជាមនុស្សចិត្តបុណ្យ តែងតែចែករំលែក និងចូលរួមការងារមនុស្សធម៌នៅក្នុងសង្គមជាច្រើនដូចជា ជួយដល់សហគមន៍ មនុស្សចាស់ជរា ជួយដល់ប្រជាជនខ្វះខាត កុមារកំព្រារ មន្ទីពេទ្យ សាលារៀន ដែលនៅតំបន់ដាច់ស្រយ៉ាល ។ ល៕