អ្នកចាំទី PSG ត្រូវបានចោរចូលគាស់ផ្ទះ
- 2023-07-21 11:00:56
- ចំនួនមតិ 0 | ចំនួនចែករំលែក 0
អ្នកចាំទី PSG ត្រូវបានចោរចូលគាស់ផ្ទះ
ចន្លោះមិនឃើញ
អ្នកចាំទីក្លឹប Paris Saint-Germain កីឡាករ Gianluigi Donnarumma ត្រូវបានចោរចូលគាស់ផ្ទះរបស់ខ្លួននៅរដ្ឋធានីប៉ារីសកាលពីយប់រំលងថ្ងៃព្រហស្បតិ៍ ឈានចូលថ្ងៃសុក្រ។ នេះបើតាមការចុះផ្សាយរបស់សារព័ត៌មាន Goal។
ប្រភពមួយចំនួនបានផ្សាយថា ចោរគាស់ផ្ទះនេះបានលួចយករបស់របរនានាដែលមានតម្លៃសរុបប្រមាណ ៥៥ម៉ឺនដុល្លារអាមេរិក។
ប្រភពខាងលើបានឲ្យដឹងថា កីឡាករអ៊ីតាលីរូបនេះ ក៏ដូចជាដៃគូស្នេហារបស់ខ្លួន ត្រូវបានចោរចាប់ចង មុនពេលដែលអ្នកទាំងពីរអាចគេចខ្លួនបានទៅសណ្ឋាគារប្រណីតមួយក្បែរផ្ទះរបស់ពួកគេ។
បុគ្គលិកនៅសណ្ឋាគារខាងលើបានទូរស័ព្ទទៅកាន់ប៉ូលិស ហើយអ្នកទាំងត្រូវបានបញ្ជូនទៅកាន់មន្ទីរពេទ្យ ដើម្បីសម្រាកព្យាបាល។ មិនទាន់មានរបាយការណ៍អាចបញ្ជាក់បានទេថា តើចោរនោះត្រូវបានចាប់បានឬនៅនោះទេ។
Donnarumma ជាកីឡាករអ៊ីតាលីមានអាយុ ២៤ឆ្នាំ។ កីឡាកររូបនេះផ្ទេរមកលេងនៅ PSG កាលពីឆ្នាំ ២០២១៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
