Hazard បដិសេធឱកាសទៅលេងជាមួយ Messi នៅអាមេរិក
- 2023-07-26 11:16:43
- ចំនួនមតិ 0 | ចំនួនចែករំលែក 0
Hazard បដិសេធឱកាសទៅលេងជាមួយ Messi នៅអាមេរិក
ចន្លោះមិនឃើញ
ខ្សែស្លាប Eden Hazard បានបដិសេធសំណើទៅចូលរួមជាមួយក្លឹប Inter Miami។ នេះបើតាមការចុះផ្សាយរបស់សារព័ត៌មាន Voetbalkrant ហើយចុះផ្សាយបន្តដោយ Goal។
Hazard ត្រូវបានរាយការណ៍ថា បានបដិសេធសំណើនេះ ដោយសារកីឡាករវ័យ ៣២ ឆ្នាំ ចង់បន្តអាជីពនៅអឺរ៉ុប។
យោងតាមប្រភពដដែល រហូតមកទល់ពេលនេះ មិនទាន់មានក្លឹបអឺរ៉ុបណាមួយចង់បាន Hazard នោះឡើយ។ ទោះជាយ៉ាងណា Hazard នៅតែមានចេតនាចង់បន្តរកក្លឹប ដោយមិនទាន់ចង់ចូលនិវត្តន៍។
Hazard ធ្លាប់ជាកីឡាករមួយស្ថិតក្នុងចំណោមកីឡាករល្អបំផុតក្នុងពិភពបាល់ទាត់ ជាពិសេសកាលពេលលេងនៅ Chelsea កាលពីឆ្នាំ ២០១២ ដល់ ២០១៩។ កាលពីឆ្នាំ ២០១៩ កីឡាករបែលហ្សិកបានសម្រេចចិត្តទៅលេងនៅ Real Madrid។ យ៉ាងណាក៏ដោយ រយៈពេល ៤ ឆ្នាំនៅក្លឹបយក្សអេស្ប៉ាញ កីឡាករបានជួបប្រទះបញ្ហារបួសជាច្រើនដែលធ្វើឲ្យ Hazard ធ្លាក់ទម្រង់លេងជាគំហុក។ ខ្សែស្លាបលេងបានតែជាង ៧០ ប្រកួត ហើយស៊ុតចូល ៧ គ្រាប់ប៉ុណ្ណោះឲ្យ Real Madrid។
កាលពីខែមុន ភាគីក្លឹប Real និងភាគី Hazard បានព្រមព្រៀងចែកផ្លូវគ្នា។
នៅអាមេរិកឯណោះវិញ ក្លឹប Inter Miami បានបើកយុទ្ធនាការនាំចូលកីឡាករល្បីៗដែលលេងនៅក្លឹបអឺរ៉ុបធំៗ។ តួយ៉ាងក្លឹបទើបតែផ្ទេរចូលបានសម្រេចខ្សែប្រយុទ្ធ Lionel Messi ខ្សែបម្រើ Sergio Busquets និង ខ្សែការពារស្លាប Jordi Alba៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
