ចង់យល់ដឹងបច្ចេកវិទ្យា ឥឡូវក្រសួងប្រកាសបើក "សន្និសីទអ្នកអភិវឌ្ឍន៍សុសវែរ និងពិព័រណ៍បច្ចេកវិទ្យា ឆ្នាំ២០២៣"

2023-07-28 02:40:15
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រសួងប្រៃសណីយ និងទូរគមនាគមន៍នៅថ្ងៃនេះ បានជូនដំណឹងអំពីការបើកកម្មវិធី "សន្និសីទអ្នកអភិវឌ្ឍន៍សុសវែរ និងពិព័រណ៍បច្ចេកវិទ្យ (Code-C) ឆ្នាំ ២០២៣ ដែលគ្រោងធ្វើឡើងនៅដើមខែកញ្ញាខាងមុខ។

តាមក្រសួងប្រៃសណីយ សន្និសីទនេះ នឹងរៀបចំឡើង ជាមួយគោលបំណងបង្ហាញពីសក្តានុពល និងពង្រីកទំនាក់ទំនងរវាងអ្នកអភិវឌ្ឍន៍សុសវែរ និងបច្ចេកវិទ្យាឌីជីថលនៅកម្ពុជា។ ជាមួយគ្នា ក៏ដើម្បីលើកកម្ពស់កិច្ចសហការ និងការផ្លាស់ប្តូរបទពិសោធជំរុញការរីកចម្រើននៃវិស័យឌីជីថលនៅកម្ពុជាផងដែរ។

នេះជាការជូនដំណឹងទៅបងប្អូន ពិសេសយុវវ័យ ដែលមាននិស្ស័យចូលចិត្តការអភិវឌ្ឍន៍ Software ឬក៏អ្នកកំពុងនៅក្នុងការងារនេះស្រាប់។ កម្មវិធីនេះ គ្រោងធ្វើឡើងនៅថ្ងៃទី៨-៩ ខែកញ្ញា ឆ្នាំ២០២៣ វេលាម៉ោង ៨ព្រឹក ដល់ ៦ល្ងាច នៅសាកលវិទ្យាល័យអាមេរិកាំងភ្នំពេញ។ ការចូលរួមបើកចំហរជាសាធារណៈ និងមិនមានការបង់ថ្លៃនោះឡើយ។

យ៉ាងណា ដើម្បីទទួលសិទ្ធិចូលរួមកម្មវិធីខាងលើ ប្រិយមិត្តតម្រូវឲ្យធ្វើការចុះឈ្មោះជាមុន តាមរយៈតំណរនេះ៖ https://www.eventbrite.com/e/code-c-developer-conference

អត្ថបទ៖ ទារិកា