អ្នកនាំពាក្យរដ្ឋាភិបាលកំពូលរបស់ប្រទេសជប៉ុនបាននិយាយកាលពីថ្ងៃចន្ទថា វាជាការសោកស្តាយយ៉ាងខ្លាំងដែលមានករណីជាច្រើននៃការហៅទូរស័ព្ទពីប្រទេសចិនទាក់ទងនឹងការបញ្ចេញទឹកវិទ្យុសកម្មដែលត្រូវបានបង្ហូរចេញពីរោងចក្រថាមពលនុយក្លេអ៊ែរ Fukushima ចូលទៅក្នុងមហាសមុទ្រប៉ាស៊ីហ្វិក។

ប្រធានលេខាធិការខុទ្ទកាល័យលោក Hirokazu Matsuno បានប្រាប់សន្និសីទសារព័ត៌មានជាទៀងទាត់ថា "ការហៅទូរស័ព្ទរំខានជាច្រើនដែលត្រូវបានគេជឿថាមានប្រភពមកពីប្រទេសចិនកំពុងកើតឡើងនៅក្នុងប្រទេសជប៉ុន...”។

ប្រទេសជប៉ុនកាលពីថ្ងៃព្រហស្បតិ៍បានចាប់ផ្តើមការបង្ហូរទឹកដែលជាជំហានសំខាន់មួយក្នុងការរុះរើរោងចក្រ Fukushima ដែលបានរងការរលាយបីដងបន្ទាប់ពីរងការវាយប្រហារដោយរលកយក្សស៊ូណាមិក្នុងឆ្នាំ 2011 បន្ទាប់ពីការរញ្ជួយដីដ៏ខ្លាំងមួយ។

ក្រសួងការបរទេសចិនមិនបានឆ្លើយតបភ្លាមៗចំពោះសំណើរបស់ Reuters សម្រាប់ការធ្វើអត្ថាធិប្បាយលើការលើកឡើងរបស់លោក Matsuno នោះទេ៕

ប្រភព៖ Reuters   ប្រែ​សម្រួល៖ ទារិកា