លោក​ Ole Gunnar Solskjaer អតីត​អ្នកចាត់ការ​ក្លឹប​ Manchester United បាន​និយាយ​ទៅ​កាន់​សារព័ត៌មាន​ The Athletic កាល​ពី​ពេលថ្មីៗ​នេះ​ថា​ ការ​សម្រេច​ចិត្ត​យក​ខ្សែប្រយុទ្ធ​ Cristiano Ronaldo ត្រលប់​មក​ក្រុម​បិសាច​ក្រហម​វិញ​ ជា​ការ​សម្រេចចិត្ត​ខុស​។

លោក​ Solskjaer បាន​និយាយ​ថា​៖" ការ​សម្រេច​យក​ Ronaldo មក​ Man Utd វិញ​ជា​ការ​សម្រេច​ចិត្ត​ដែល​ពិបាក​នឹង​បដិសេធ​ ហើយ​ខ្ញុំ​គិត​ថា​កាល​ហ្នឹង​គឺ​យើង​ត្រូវ​តែ​ឯកភាព​ព្រម​ទទួល​យក​គេ​។ តែ​យ៉ាង​ណា​ លទ្ធផល​បង្ហាញ​ថា​ ការ​សម្រេច​ចិត្ត​នេះ​គឺ​ជា​ការ​សម្រេច​ចិត្ត​ខុស​របស់​ពួក​យើង​ "។

លោក​បន្ត​ថា​៖" និយាយ​ទៅ​វា​មើល​ទៅ​ដូច​ទំនង​មែន​ទែន​ពេល​នាំ​យក​គេ​មក​ដំបូង​ៗ​ សូម្បី​តែ​អ្នកគាំទ្រ​ក៏​គិត​អញ្ចឹង​ដែរ​ ជា​ពិសេស​ពេល​ប៉ះ​នឹង​ Newcastle ពេល​នោះ​។ ពេល​នោះ​គឺ​ Man Utd ធ្វើ​បាន​ល្អ​មែន​ទែន​ "។

Ronaldo មក​លេង​ឲ្យ​ Man Utd ១ឆ្នាំ​ ៣ខែ​ប៉ុណ្ណោះ​ដោយ​កីឡាករ​នេះ​មិន​អាច​ជួយ​ Man Utd ឲ្យ​កាន់​តែ​ល្អ​ប្រសើរ​នោះ​ឡើយ​កាល​នោះ​។ គេ​ក៏​បាន​ផ្លាស់​មក​ Al Nassr ក្នុងដើម​ឆ្នាំ​២០២៣​នេះ​៕

អត្ថបទ៖ ហ៊ីម រស្មី