Hazard នឹងត្រលប់មកទីលានបាល់ទាត់វិញ ក្រោយផ្ដាច់កុងត្រាជាមួយ Real

2023-10-03 10:48:11
ចំនួនមតិ 0 | ចំនួនចែករំលែក 0

ចន្លោះមិនឃើញ

អតីតខ្សែបម្រើប្រយុទ្ធក្រុមជម្រើសជាតិបែលហ្សិកកីឡាករ Eden Hazard នឹងត្រលប់មកលេងបាល់ទាត់វិញនៅក្នុងខែតុលានេះ ក្រោយពេលដែលខ្លួនបានផ្ដាច់កុងត្រាជាមួយក្លឹប Real Madrid កាលពីខែមិថុនាកន្លងទៅ។

បើយោងតាមការចុះផ្សាយរបស់សារព័ត៌មានបារាំង L’Équipe កីឡាកររូបនេះនឹងលេងក្នុងប្រកួតសប្បុរសធម៌មួយនៅក្នុងស្រុកបារាំងជាមួយនឹងអតីតកីឡាករល្បីៗមួយចំនួនដូចជា Laurent Blanc និង Didier Deschamps។

សូមជម្រាបផងដែរថា Hazard នាពេលនេះជាកីឡាករដែលគ្មានក្លឹប។ កីឡាកររូបនេះបានព្រមព្រៀងផ្ដាច់កុងត្រាជាមួយ Real Madrid កាលពីខែមិថុនា ឆ្នាំនេះ ក្រោយលេងនៅទីនោះអស់រយៈពេលជាង ៤ឆ្នាំ។

មានសារព័ត៌មានមួយចំនួនចុះផ្សាយថា អ្នកនៅស្រុកបារាំងចាប់អារម្មណ៍ចង់នាំ Hazard ទៅលេង តែសាមីខ្លួនបានបដិសេធ ដែលបណ្ដាលឱ្យមានមតិមួយចំនួនយល់ឃើញថា អតីតកីឡាករឆ្នើមរបស់ Chelsea រូបនេះអាចនឹងចូលនិវត្តន៍ពីពិភពបាល់ទាត់តែម្ដង៕

ប្រភព៖ Goal អត្ថបទ៖ សេរី មង្គល