មុននឹងចូលនិវត្តន៍ Hazard បដិសេធសំណើក្លឹបធំៗមួយចំនួន

2023-10-12 10:50:47
ចំនួនមតិ 0 | ចំនួនចែករំលែក 0

ចន្លោះមិនឃើញ

មុននឹងព្យួរស្បែកជើងលាឈប់ពីពិភពបាល់ទាត់អាជីព អតីតកីឡាករជម្រើសជាតិបែលហ្សិកកីឡាករ Eden Hazard បានបដិសេធសំណើរបស់ក្លឹបមួយចំនួននៅសហរដ្ឋអាមេរិក និងនៅប្រទេសអារ៉ាប៊ីសាអ៊ូឌីត។ នេះបើតាមការអះអាងរបស់អ្នកសារព័ត៌មាន Fabrizio Romano។

ប្រភពខាងលើបានឱ្យដឹងថា ក្លឹបមកពីប្រទេសទាំងនោះបានតាមចែចូវ Hazard ជាង ៤ខែមកហើយ តែសាមីខ្លួនគេមិនព្រម។

សូមជម្រាបផងដែរថា ប៉ុន្មានឆ្នាំចុងក្រោយនេះ Hazard មិនសូវបានបង្ហាញខ្លួននៅទីលានបាល់ទាត់នោះទេ ដោយសារតែខ្លួនញាំញីដោយរបួសពេក។ កីឡាកររូបនេះចូលនិវត្តន៍ពីជម្រើសជាតិបែលហ្សិកនៅឆ្នាំ២០២២ ហើយក្រោយមកទៀតក៏បានផ្ដាច់កុងត្រាជាមួយ Real Madrid។

លុះចុងក្រោយ នៅខែតុលានេះ បុរសវ័យ ៣២ឆ្នាំរូបនេះក៏សម្រេចចាកចេញពីពិភពបាល់ទាត់ទាំងវ័យសាមស្ដើងតែម្ដង៕

ប្រភព៖ Goal ប្រែសម្រួល៖ ហ៊ីម រស្មី