ពាក់កណ្ដាលម៉ារ៉ាតុងមុខអង្គរ៖ បើចំនួនអ្នករត់ឡើងដល់១ម៉ឺននាក់គណៈកម្មការរៀបចំនឹងរឹតបន្តឹងសុខសុវត្ថិភាពទ្វេដង

2023-10-17 03:48:54
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រធានគណៈកម្មការរៀបចំព្រឹត្តិការណ៍ «ពាក់កណ្ដាលម៉ារ៉ាតុងអន្តរជាតិ មុខអង្គរ លើកទី២៨» ថាប្រសិនបើចំនួនអ្នកចូលរួមដូចការរំពឹងទុក ១ម៉ឺននាក់នោះមែនការរៀបចំថែរក្សាសុខសុវត្ថិភាពតាមផ្លូវរឹតបន្តឹងបន្ថែមដើម្បីបង្កភាពងាយស្រួលជូនអ្នករត់។

លោក សែម ផល្លា

លោក សែម ផល្លា ប្រធានគណៈកម្មការរៀបចំព្រឹត្តិការណ៍ម៉ារ៉ាតុងនៅអង្គរនេះបានឲ្យដឹងថា ទម្រាំដល់ខែធ្នូ ឆ្នាំ២០២៣ ខាងមុខនេះអ្នកចូលរួមរត់អាចនឹងកើនដល់១ម៉ឺននាក់។ លោកសូមថ្លែងអំណរគុណដល់អ្នកគាំទ្រ កីឡាករ កីឡាការិនី មហាជនទាំងអស់ រួមនិងម្ចាស់ឧបត្ថម្ភនានាដែលសហការចូលរួមក្នុងព្រឹត្តិការណ៍មួយនេះ និងអាជ្ញាធរដែនដីខេត្តសៀមរាប អាជ្ញាធរអប្សរាដែលតែងតែសហការជួយឧបត្ថម្ភកន្លងទៅ។

ទិដ្ឋភាពប្រគល់ថវិកាដែលទទួលបានពីការចូលរួមទៅអង្គការនានា

តំណាង Cabodia Event Organizer ខាងលើលើកឡើងទៀតថា ប្រសិនបើអ្នករត់ឡើងដល់១ម៉ឺននាក់មែននោះខាងគណៈកម្មការរៀបចំគឺត្រូវតែមានការម៉ត់ចត់ យកចិត្តទុកដាក់ថែរក្សាសុខភាព សុវត្ថិភាពកីឡាករដូចជានៅតាមផ្លូវត្រូវរឹតបន្តឹងឲ្យខ្លាំង ដាក់មនុស្សឲ្យមើលឲ្យបានច្រើន បិទផ្លូវតាមលក្ខណៈបច្ចេកទេស។ ក្នុងនោះដែរលោកក៏ចាប់ផ្ដើមប្រញាប់ធ្វើកិច្ចការទាំងនេះជាបណ្ដើរៗហើយដូចជាប្រជុំបច្ចេកទេសជាមួយខាងខេត្ត និងការរៀបចំស្លាកលេខ អាវ មេដាយ ដើម្បីឲ្យទាន់ថ្ងៃប្រារព្ធពិធីនោះ។

ទិដ្ឋភាពរត់កន្លងទៅ

បញ្ជាក់ដែរថា «ពាក់កណ្ដាលម៉ារ៉ាតុងអន្តរជាតិ មុខអង្គរ លើកទី២៨» នឹងធ្វើឡើងនៅថ្ងៃទី៣ ខែធ្នូ ឆ្នាំ២០២៣ នៅខេត្តសៀមរាប។ សម្រាប់អ្នកចង់ចូលរួមព្រឹត្តិការណ៍គឺអាចចុះឈ្មោះចូលរួមតាមរយៈហ្វេសបុក Cabodia Event Organizer លេខទូរស័ព្ទ 015 213 525 / 069 213 525 ឬ marketing@cambodia-events.org៕

អត្ថបទ៖ នួន ស៊ីណា