អាស៊ីអាគ្នេយ៍មាន ១១ប្រទេស តែសហព័ន្ធបាល់ទាត់តំបន់មានសមាជិក ១២ប្រទេស
- 2023-10-19 11:33:25
- ចំនួនមតិ 0 | ចំនួនចែករំលែក 0
អាស៊ីអាគ្នេយ៍មាន ១១ប្រទេស តែសហព័ន្ធបាល់ទាត់តំបន់មានសមាជិក ១២ប្រទេស
ចន្លោះមិនឃើញ
តំបន់អាស៊ីអាគ្នេយ៍ ត្រូវបានគេស្គាល់ថាមាន ១១ប្រទេសនៅក្នុងតំបន់នេះ ដោយក្នុងនោះរួមមាន ប្រ៊ុយណេ កម្ពុជា ឥណ្ឌូនេស៊ី ឡាវ ម៉ាឡេស៊ី មីយ៉ាន់ម៉ា ហ្វីលីពីន សិង្ហបុរី ទីម័រឡេស្តេ ថៃ និងវៀតណាម។ យ៉ាងណាមិញ នៅក្នុងតំបន់នេះមានសហព័ន្ធបាល់ទាត់តំបន់មួយ ដែលមានឈ្មោះថា សហព័ន្ធបាល់ទាត់អាស៊ីអាគ្នេយ៍ ឬ ហៅកាត់ជាភាសាអង់គ្លេសថា AFF។ AFF ត្រូវបានបង្កើតនៅឆ្នាំ១៩៨២ ហើយកម្ពុជាចូលជាសមាជិកនៅឆ្នាំ១៩៩៦។
ទោះជាអាស៊ីអាគ្នេយ៍មាន ១១ប្រទេស យ៉ាងណាមិញ AFF មានសមាជិក ១២ប្រទេស។ សមាជិកមួយទៀតនោះគឺ ប្រទេសអូស្ត្រាលី។
អូស្ត្រាលីបានចូលជាសមាជិក AFF នៅឆ្នាំ២០១៣។
បាល់ទាត់ប្រទេសនេះដំបូងឡើយស្ថិតនៅក្នុងសហព័ន្ធទ្វីបអូសេអានី (OFC)។ ក្រោយមក អូស្ត្រាលីក៏ចាកចេញពី OFC ហើយចូលជាសមាជិកសហព័ន្ធបាល់ទាត់អាស៊ី (AFC) នៅឆ្នាំ២០០៦។
មូលហេតុដែលអូស្ត្រាលីចូលលេងជាមួយអាស៊ាន និងទ្វីបអាស៊ីទាំងមូល ក៏ព្រោះតែប្រទេសនេះចង់បានភាពប្រកួតប្រជែងផ្នែកបាល់ទាត់ទាំងផ្នែកជម្រើសជាតិ ទាំងផ្នែកក្លឹបបាល់ទាត់ ហើយអាចឈានជើងចូលលេងនៅព្រឹត្តិការណ៍ FIFA World Cup ទៀតផង៕
ប្រភព៖ ASEAN Football Federation
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
