វៀតណាម ត្រូវប៉ាន់ទៀតហើយ ខណៈក្រុមហ៊ុនយក្សអារ៉ាប៊ីសាអ៊ូឌីត គ្រោងបង្កើតរោងចក្រចម្រាញ់ប្រេងកាត
- 2023-10-20 07:35:06
- ចំនួនមតិ 0 | ចំនួនចែករំលែក 0
វៀតណាម ត្រូវប៉ាន់ទៀតហើយ ខណៈក្រុមហ៊ុនយក្សអារ៉ាប៊ីសាអ៊ូឌីត គ្រោងបង្កើតរោងចក្រចម្រាញ់ប្រេងកាត
ចន្លោះមិនឃើញ
ក្រុមហ៊ុនប្រេង និងឧស្ម័ន Aramco នៃប្រទេសអារ៉ាប៊ី សាអ៊ូឌីត កំពុងស្វែងរកឱកាសវិនិយោគសាងសង់រោងចក្រចម្រាញ់ប្រេងកាតនៅក្នុងប្រទេសវៀតណាម។ នេះជាការបញ្ជាក់របស់លោក Yasser M. Mufti អនុប្រធានក្រុមហ៊ុន Aramco ក្នុងជំនួបជាមួយលោក Pham Minh Chinh នាយករដ្ឋមន្រ្តីវៀតណាម ក្នុងអំឡុងទស្សនកិច្ចនៅក្រុងរីយ៉ាត កាលពីថ្ងៃទី១៩ ខែតុលា ឆ្នាំ២០២៣។
ក្រុមហ៊ុន Aramco បានធ្វើសកម្មភាពអាជីវកម្មយ៉ាងខ្លាំងនៅតំបន់អាស៊ីប៉ាស៊ីហ្វិក ប៉ុន្តែមិនទាន់មានគម្រោងផ្ទាល់ណាមួយក្នុងប្រទេសវៀតណាមនៅឡើយទេ។ ជាមួយគ្នានេះ លោក Mufti បានស្នើឱ្យរដ្ឋាភិបាលវៀតណាម បើកភ្លើងខៀវឱ្យក្រុមហ៊ុនខ្លួនសិក្សាលទ្ធភាពនៃគម្រោងបង្កើតរោងចក្រចម្រាញ់ប្រេងកាតមួយ។
ជាការឆ្លើយតប នាយករដ្ឋមន្រ្តីវៀតណាម បានបង្ហាញការស្វាគមន៍ ហើយបញ្ជាក់ថានឹងផ្តល់ការគាំទ្រក្នុងការបណ្តុះបណ្តាលធនធានមនុស្ស។
សូមជម្រាបថា Aramco គឺជាក្រុមហ៊ុនប្រេង និងឧស្ម័នធំបំផុតមួយក្នុងប្រទេសអារ៉ាប៊ី សាអ៊ូឌីត។ កាលពីឆ្នាំមុន ក្រុមហ៊ុននេះ អាចរកប្រាក់ចំណេញបានដល់ ១៦១ពាន់លានដុល្លារ។
គួរដឹងដែរថា បច្ចុប្បន្នវៀតណាមមានរោងចក្រចម្រាញ់ប្រេងកាតចំនួន២ ដែលអាចបំពេញតម្រូវការក្នុងស្រុកបាន ៧០%៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
