សាលី អ៊ូម៉ើត៖ ជ័យជម្នះនៅអាមេរិកធ្វើឲ្យពិភពលោកភ្លឺភ្នែក កម្ពុជាតូច ប៉ុន្តែមានសមត្ថភាព

2023-10-25 03:58:16
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាករឆ្នើមផ្នែកកីឡាម៉ូតូទឹក សាលី អ៊ូម៉ើត ថាជ័យជម្នះធំធេងក្នុងប្រទេសអាមេរិកលើកនេះគឺបង្ហាញទង់ជាតិខ្មែរដល់ពិភពលោកឲ្យកាន់តែភ្លឺភ្នែកថាប្រទេសកម្ពុជាតូចមែន ប៉ុន្តែមានធនធានពោរពេញដោយសមត្ថភាពមិនធម្មតា។

សាលី អ៊ូម៉ើត (ស្ដាំ)

សាលី អ៊ូម៉ើត បានឲ្យដឹងពេលមកភ្នំពេញម្សិលមិញនេះថា ជាកិត្តិយសណាស់សម្រាប់ជ័យជម្នះក្នុងព្រឹត្តិការណ៍ WGP#1 WATERJET WORLD SERIES 2023 (USA-ROUND 3) ដែលកម្ពុជាឈ្នះមេដាយសរុបរហូត៩គ្រឿង។

កីឡាករ សាលី អ៊ូម៉ើត

ជ័យជម្នះដ៏ធំធេងមួយនេះគឺបានបង្ហាញដល់ប្រទេសអាមេរិក និងពិភពលោកស្គាល់កាន់តែច្បាស់អំពីកម្ពុជា ថាប្រទេសតូចមែន ប៉ុន្តែសមត្ថភាពប្រកួត ធនធានកីឡាករ មិនធម្មតានោះទេ។ សាលី អ៊ូម៉ើត ប្ដេជ្ញាចិត្តថានឹងប្រឹងប្រែងបង្វឹកអ្នកជំនាន់ក្រោយឲ្យរឹតតែមានសមត្ថភាពបន្ថែមទៀតដើម្បីធនធានប្រជែងក្នុងព្រឹត្តិការណ៍សំខាន់ក្រោយៗទៀត។

ទិដ្ឋភាពប្រគល់ជយលាភី

បញ្ជាក់ដែរថា ការប្រកួត WGP#1 WATERJET WORLD SERIES 2023 (USA-ROUND 3) នេះធ្វើឡើងកាលពីថ្ងៃទី៤ ដល់ ៨ ខែតុលា ឆ្នាំ២០២៣ នៅសហរដ្ឋអាមេរិក។ កម្ពុជាឈ្នះមេដាយមាស៤ ប្រាក់៤ និងសំរឹទ្ធ១ សរុប ៩គ្រឿង។ ម្សិលមិញនេះការមកដល់របស់ក្រុមកីឡាម៉ូតូទឹកកម្ពុជាគឺមានការទទួលស្វាគមន៍យ៉ាងកក់ក្ដៅពីសហព័ន្ធម៉ូតូទឹកកម្ពុជា និងអគ្គនាយកដ្ឋានកីឡា និងមហាជនជាច្រើនផងដែរនៅអាកាសយានដ្ឋានអន្តរជាតិភ្នំពេញ៕