ឯកឧត្ដម ហ៊ុន ម៉ានី៖ បង្ហាញការពេញចិត្តជាខ្លាំងចំពោះតេក្វាន់ដូ ITF និងសន្យាធ្វើពានរង្វាន់នេះបន្តទៀត

2023-11-20 10:09:45
ចំនួនមតិ 0 | ចំនួនចែករំលែក 0

ចន្លោះមិនឃើញ

រដ្ឋមន្ត្រីក្រសួងមុខងារសាធារណៈ ឯកឧត្ដម ហ៊ុន ម៉ានី បង្ហាញការពេញចិត្តជាខ្លាំងចំពោះសមត្ថភាពកីឡាករ កីឡាការិនីតេក្វាន់ដូ ITF និងសកម្មភាពប្រកួតប្រជែង «ពានរង្វាន់ឯកឧត្ដម ហ៊ុន ម៉ានី ឆ្នាំ២០២៣» ថែមទាំងសន្យាបន្តធ្វើពានរង្វាន់នេះនៅឆ្នាំក្រោយៗទៀត។

ឯកឧត្ដម ហ៊ុន ម៉ានី

ទិដ្ឋភាពបិទការប្រកួត

ឯកឧត្ដម ហ៊ុន ម៉ានី មានប្រសាសន៍ថា តាមការកត់សម្គាល់គឺមើលឃើញថាសហព័ន្ធតេក្វាន់ដូ ITF មានការខំប្រឹងប្រែងពីមួយដំណាក់កាលទៅមួយដំណាក់កាល និងលូតលាស់ជាបន្តបន្ទាប់មករហូតដល់ពេលនេះ។ សហព័ន្ធមានធនធានច្រើនពិសេសនោះការចូលរួមពានរង្វាន់នេះមានរហូតដល់ទៅ ១៨ក្លឹប ដែលមមកពី ៦ខេត្តផ្សេងៗគ្នាទៀតផង។

ឯកឧត្ដម ហ៊ុន ម៉ានី បំពាក់មេដាយ

រដ្ឋមន្ត្រីក្រសួងមុខងារសាធារណៈ លើកឡើងទៀតថា ថាមពល ក្ដីស្រឡាញ់របស់កីឡាករ កីឡាការិនី ដែលបង្ហាញ និងវត្តមានអាណាព្យាបាលនានាក្នុងការប្រកួតនេះគឺធ្វើឲ្យឯកឧត្ដមសប្បាយរីករាយ និងពេញចិត្តរួមចំណែកក្នុងការអភិវឌ្ឍន៍វិស័យកីឡាមួយនេះបន្តទៀត។

ទិដ្ឋភាពបិទការប្រកួត

ឯកឧត្ដមកោតសរសើរចំពោះសហព័ន្ធតេក្វាន់ដូ ITF ក្រោមការដឹកនាំរបស់ឯកឧត្ដម កែវ រ៉េមី គឺមានការអភិវឌ្ឍន៍ជាខ្លាំង និងទទួលបានភាពជោគជ័យលើឆាកអន្តរជាតិ។ ដោយសារមានការគាំទ្រ និងចង់ឲ្យមានការប្រកួតពានរង្វាន់នេះបន្តទៀត ឯកឧត្ដម ហ៊ុន ម៉ានី សន្យានឹងបន្តរៀបចំការប្រកួតរក្សាពានរង្វាន់នេះនៅឆ្នាំក្រោយៗទៀត។ ជាមួយគ្នានេះដែរឯកឧត្ដមក៏បានជជែកពិភាក្សាជាមួយប្រធានសហព័ន្ធ និងមន្ត្រីថ្នាក់ដឹកនាំផ្សេងៗផងដែរដើម្បីរួមចំណែកអាចជួយលើចំណុចណាខ្លះក្នុងការអភិវឌ្ឍន៍ ITF បន្ថែមទៀត។

ទិដ្ឋភាពបិទការប្រកួត

បញ្ជាក់ដែរថា «ពានរង្វាន់ឯកឧត្ដម ហ៊ុន ម៉ានី ឆ្នាំ២០២៣» ជាការប្រកួតលើកទី១ ហើយសម្រាប់ពានរង្វាន់មួយនេះ។ បិទការប្រកួតម្សិលមិញនៅសកលវិទ្យាល័យភូមិន្ទភ្នំពេញ មានការអញ្ជើញចូលរួមជាអធិបតេយ្យឯកឧត្ដម ហ៊ុន ម៉ានី រដ្ឋមន្ត្រីក្រសួងមុខងារសាធារណៈ ឯកឧត្ដម កែវ រ៉េមី ប្រធានសហព័ន្ធ ឯកឧត្ដម ផាន់ វណ្ណរ័ត្ន អនុប្រធានសហព័ន្ធ និងមន្ត្រីថ្នាក់ដឹកនាំច្រើនរូបទៀត។ ចំណាក់ថ្នាក់លេខ១ បានលើក្រសួងមហាផ្ទៃ ឈ្នះមេដាយមាស៦ ប្រាក់៧ សំរឹទ្ធ៩ សរុប ២២គ្រឿង។ លេខ២ បានលើក្លឹបក្ដីចាស់ មាស៦ ប្រាក់៤ សំរឹទ្ធ៣ សរុប១៣គ្រឿង និងលេខ៣ ក្លឹប ស.ស.យ.ក កំពង់ស្ពឺ មាស៥ ប្រាក់៣ សំរឹទ្ធ៦ សរុប១៤គ្រឿង។ ការប្រកួតនេះធ្វើឡើងរយៈពេល៣ថ្ងៃចាប់ពីថ្ងៃទី១៧ ដល់ ១៩ ខែវិច្ឆិកា ឆ្នាំ២០២៣៕