លោក ជិន បញ្ញាវ័ន្ត៖ មកចូលរួមរត់ពាក់កណ្ដាលម៉ារ៉ាតុងអង្គរនេះចង់បានបរិយាកាសថ្មី

2023-12-02 11:55:54
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក ជិន បញ្ញាវ័ន្ត ថាហេតុផលដែលមកចូលរួមរត់ប្រណាំងពាក់កណ្ដាលម៉ារ៉ាតុងអង្គរ លើកទី២៨ ស្អែកនេះគឺចង់បានបរិយាកាសថ្មីប្លែកភ្នែក ព្រោះកន្លងទៅធ្លាប់តែរត់នៅទីក្រុងជាដើម។

លោក ជិន បញ្ញាវ័ន្ត (ខាងឆ្វេង)

ជិន បញ្ញាវ័ន្ត បានឲ្យដឹងថា មូលហេតុចម្បងដែលធ្វើឲ្យលោកមកចូលរួមរត់ប្រណាំងនៅសៀមរាបនេះគឺទី១ រត់កម្សាន្តអារម្មណ៍ជាអ្នកដទៃដែលមកពីគ្រប់ទិសទី ទី២ ចង់បានអារម្មណ៍ថ្មីប្លែកពិសេសឃើញទេសភាពបែបធម្មជាតិ មានប្រាសាទនានាជាដើម និងទី៣ បន្តរត់លេងបន្ថែមទៀត ព្រោះជាអ្នកស្រឡាញ់កីឡារត់ប្រណាំងនេះមករហូតហើយ។

ព្រឹត្តិការណ៍នេះល្អ និងមានសារប្រយោជន៍ច្រើនដល់ប្រទេសកម្ពុជា ពិសេសនោះគឺខេត្តសៀមរាបនេះតែម្ដង ព្រោះលើកស្ទួយសេដ្ឋកិច្ចជាតិតាមរយៈកីឡា និងបានជួយផ្សព្វផ្សាយតំបន់ទេសចរណ៍នៅកម្ពុជា។ បន្ថែមពីនេះក៏បានជួយដល់សុខភាពប្រជាពលរដ្ឋដែលមកចូលរួមផងដែរ។

ទិដ្ឋភាពអ្នករត់មកយកស្លាកលេខ

រំលឹកដែរថា «ពាក់កណ្ដាលម៉ារ៉ាតុងអន្តរជាតិ មុខអង្គរ លើកទី២៨» នឹងធ្វើឡើងនៅព្រឹកថ្ងៃទី៣ ខែធ្នូ ឆ្នាំ២០២៣ ស្អែកនេះហើយក្នុងខេត្តសៀមរាប។ តាមឲ្យដឹងពីគណៈកម្មការរៀបចំការប្រកួតអ្នកចូលរួមរត់ប្រណាំងមានចំនួន ១០ ១៥៤ នាក់មកពី៧៨ប្រទេសផ្សេងៗគ្នា៕