អគ្គលេខាធិការសហព័ន្ធការ៉ាតេ៖ ការប្រកួតពីមួយឆ្នាំទៅមួយឆ្នាំកីឡាករ កីឡាការិនីមានការយល់ដឹងកាន់តែច្រើន

2024-01-16 07:58:28
ចំនួនមតិ 0 | ចំនួនចែករំលែក 0

ចន្លោះមិនឃើញ

អគ្គលេខាធិការសហព័ន្ធកីឡាការ៉ាតេកម្ពុជា ថាតាមរយៈការប្រកួតពីមួយឆ្នាំទៅមួយឆ្នាំគឺកីឡាករ កីឡាការិនី មានការយល់ដឹង និងរីកចម្រើនជាបន្តបន្ទាប់។

ឯកឧត្ដម វ៉ាត់ ចំរើន

ឯកឧត្ដម វ៉ាត់ ចំរើន អគ្គលេខាធិការសហព័ន្ធខាងលើបានលើកឡើងថា ការប្រកួតជើងឯកថ្នាក់ជាតិ ឆ្នាំ២០២៣ ដែលទើបបញ្ចប់ទៅនេះមើលឃើញថាកីឡាករ កីឡាការិនី ចូលរួមប្រកួតប្រជែងមានការយល់ដឹងកាន់តែច្រើនអំពីច្បាប់ទម្លាប់នៃការប្រកួតផ្សេង។ ការធ្វើឲ្យមានភាពថ្លៃថ្នូរ និងការគោរពនូវក្រមសីលធម៌កីឡាគឺជាគោលការណ៍សំខាន់ក្នុងការដឹកនាំ និងអភិវឌ្ឍន៍វិស័យកីឡាឲ្យរីកចម្រើន។

ទិដ្ឋភាពបិទការប្រកួត

ឯកឧត្ដមបានពាំនាំការផ្ដាំផ្ញើរបស់ប្រធានសហព័ន្ធឯកឧត្ដម អូនព័ន្ធ មុន្នីរ័ត្ន ឲ្យកីឡាករ កីឡាការិនីទាំងអស់បន្តខំប្រឹងប្រែងហ្វឹកហាត់ បង្កើនគុណផលឲ្យមានបន្ថែមទៀត។ ពិសេសត្រូវហ្វឹកហាត់ឲ្យបានជាប់លាប់ល្អដើម្បីត្រៀមការប្រកួតនៅពេលខាងមុខដូចជាស៊ីហ្គេម ឆ្នាំ២០២៥។

ទិដ្ឋភាពបិទការប្រកួត

បញ្ជាក់ដែរថា សហព័ន្ធកីឡាការ៉ាតេកម្ពុជា បានបិទបញ្ចប់ការប្រកួតជើងឯកថ្នាក់ជាតិ ឆ្នាំ២០២៣ របស់ខ្លួនហើយកាលពីថ្ងៃទី១៤ ខែមករា ឆ្នាំ២០២៤ នៅសាលក្នុងសកលវិទ្យាល័យភូមិន្ទភ្នំពេញ។ ចំណាត់ថ្នាក់លេខ១ ក្លឹបការ៉ាតេក្រសួងការពារជាតិ ឈ្នះមេដាយសរុប ២៦គ្រឿង លេខ២ ក្លឹបក្រសួងសេដកិច្ច និងហិរញ្ញវត្ថុ ឈ្នះមេដាយសរុប ២១ និងលេខ៣ ក្លឹបក្រសួងមហាផ្ទៃ ឈ្នះមេដាយសរុប ១១គ្រឿង៕