អានសម្រង់សម្ដីទាំងនេះរបស់ Jin ហើយ ដូចគ្រវាត់សម្ពាយស្ត្រេសចោលអស់ពីខ្លួន

2024-01-17 03:03:06
ចំនួនមតិ 0 | ចំនួនចែករំលែក 0

ចន្លោះមិនឃើញ

ជាការពិតជីវិតរបស់មនុស្សម្នាក់ៗ ពោរពេញទៅដោយរសជាតិគ្រប់សព្វ តាំងពីសប្បាយ កើតទុក្ខ លាយឡំគ្នា។ ប៉ុន្តែបើទោះបីជា ត្រូវឡើងចុះយ៉ាងណា អ្នកត្រូវចាំថា ជីវិតត្រូវតែដើរទៅមុខជានិច្ច ដរាបណានៅមានដង្ហើម។

ចំពោះ Kim Seokjin គឺជាមនុស្សបែបនេះដែលអាចធ្វើអោយអ្នកសើចគ្រប់ពេលដែលអ្នកចង់បាន។ សមាជិក BTS រូបនេះ តែងបញ្ចេញសេចក្តីស្រឡាញ់ និងភាពសប្បាយរីករាយទៅកាន់មនុស្សជុំវិញខ្លួន។

ដូច្នេះ នៅពេលណាដែលអ្នកត្រូវការហេតុផល ដើម្បីញញឹម សូមទុកឲ្យតារាប្រុសម្នាក់នេះជាអ្នកលួងលោម ព្រោះលោកក៏អាចជាប្រភពនៃការសើចរបស់អ្នក។ ទាំងនេះគឺជាសម្រង់សម្ដីទាំង ៨ របស់ Jin ដែលបង្កប់អត្ថន័យនៃសុភមង្គលយ៉ាងល្អឥតខ្ចោះ៖

១. "ប្រសិនបើអ្នកណាម្នាក់មានអារម្មណ៍វង្វេង ពេលប្រឈមមុខនឹងភាពមិនច្បាស់លាស់ណាមួយ ឬសម្ពាធក្នុងការចាប់ផ្តើមអ្វីដែលថ្មី កុំប្រញាប់ប្រញាល់ពេកអី។ អ្នកអាចរកឃើញពេលណាមួយអាចប្រែក្លាយទៅជាឱកាសល្អបាន"

២. “មានពេលខ្លះដែលចិត្តរបស់ខ្ញុំរញ៉េរញ៉ៃណាស់ ប៉ុន្តែខ្ញុំព្យាយាមស្វែងរកហេតុផល និងដោះស្រាយវា មុនពេលដែលវាក្លាយជាកង្វល់ធំ”

៣. “បារម្ភ? មនុស្សគ្រប់គ្នាតែងមានការព្រួយបារម្ភ។ អ្នកប្រហែលជាមានអារម្មណ៍មិនសប្បាយចិត្តបន្តិចនៅពេលដែលអ្នកកប់វាក្នុងចិត្ត ប៉ុន្តែរឿងទាំងនោះនឹងកន្លងផុតទៅ ហើយមិនយូរប៉ុន្មាន អ្នកនឹងមានអារម្មណ៍ថាមានសុភមង្គលម្ដងទៀត"