មែនអត់ បើកឡានផ្លូវឆ្ងាយម្តងៗ ធុញបំផុតគឺងងុយដេកខ្លាំង តែអាចសាកប៉ុន្មានវិធីនេះ ក្រែងលោជួយបាន!

2024-02-07 07:31:13
ចំនួនមតិ 0 | ចំនួនចែករំលែក 0

ចន្លោះមិនឃើញ

បញ្ហាធំបំផុតរបស់អ្នកបើកបររថយន្ត គឺងងុយដេករាល់ពេលបើកផ្លូវឆ្ងាយម្តងៗ ដែលវាពិតជាពិបាកមែនទែន។ ដើម្បីដោះទ័លរឿងនេះម្តងៗ តៃកុងនីមួយៗតែងប្រើវិធីសាស្រ្តផ្សេងៗគ្នា ដូចជាបើកកញ្ចក់បង្អួច បើកចម្រៀងឱ្យលឺៗខ្លាំង ឬនិយាយទូរសព្ទជាដើម តែធ្វើបែបនេះអាចប្រឈមនឹងគ្រោះថ្នាក់ទៅវិញទេ។

ខាងក្រោមនេះ គឺជាគន្លឹះខ្លះៗ ដែលជាការណែនាំពីរដ្ឋបាលសុវត្ថិភាពចរាចរណ៍ផ្លូវហាយវេជាតិរបស់អាមេរិក៖

-កុំផឹកគ្រឿងស្រវឹង ហើយបើកបរ ព្រោះថាគ្រឿងស្រវឹងនឹងកាត់បន្ថយសមត្ថភាពបើកបររបស់អ្នក ហើយពិបាកគ្រប់គ្រងអារម្មណ៍ខ្លួនទៀតផង។ មិនតែប៉ុណ្ណោះ វាក៏ខុសច្បាប់ក្នុងការបើកបរផងដែរ។

-បើអាច គួរកុំព្យាយាមបើកផ្លូវឆ្ងាយតែឯង។ គួរមានអ្នករួមដំណើរយ៉ាងហោចណាស់ឱ្យបានម្នាក់ទៀតដែរ គ្រាន់ជជែកគ្នាលេង ឬអាចដូរដៃគ្នាបើក ពេលងងុយដេក។

-គួរសម្រាកឱ្យបានគ្រប់គ្រាន់ ធ្វើយ៉ាងណាឱ្យបាន ៨ម៉ោងដែរ មុនចេញដំណើរផ្លូវឆ្ងាយ។

-បើត្រូវបើករថយន្តឆ្ងាយច្រើនម៉ោង គួរកុំបង្ខំពេកអី អាចរកកន្លែងសម្រាកក្នុងរយៈពេល ២ម៉ោងម្តង។

-ទទួលទានកាហ្វេ ឬភេសជ្ជៈដែលជួយពង្រឹងស្មារតីបើកបរ។

-ព្យាយាមអង្គុយត្រង់ខ្លួន។

-ទំពារស្ករកៅស៊ូ ឬបៀមស្ករគ្រាប់ហិរៗ។

ជាមួយគ្នានេះ អ្នកក៏អាចកត់សម្គាល់ខ្លួនឯងថា កំពុងងងុយដេកឬអត់នោះ រួមមានដូចជា៖

-មិនអាចចងចាំថា ខ្លួនបើកបានប៉ុន្មានគីឡូហើយ។

-ពិបាកផ្តោតលើការបើកបរ ឬពិបាកបើកភ្នែកជាដើម។ -រេចង្កូតតិចៗ

-ស្ងាបជារឿយៗ៕

SabayOne កម្មវិធីកម្សាន្តថ្មីរបស់ Sabay បើកឲ្យប្រើសាកល្បងពីពេលនេះ! ចុះឈ្មោះតាមរយៈតំណភ្ជាប់នេះ https://bit.ly/3QVlYVB

អត្ថបទ៖ សំភី