លោក ប៉ែន វុទ្ធី៖ វគ្គបណ្ដុះបណ្ដាលគ្រូការ៉ាតេនេះនឹងជួយស្វែងរកធនធានល្អៗឆ្ពោះទៅការប្រកួតជើងឯកយុវជនអាស៊ី

2024-03-31 05:15:02
ចំនួនមតិ 0 | ចំនួនចែករំលែក 0

ចន្លោះមិនឃើញ

សហព័ន្ធកីឡាការ៉ាតេកម្ពុជា បានបញ្ចប់វគ្គបណ្ដុះបណ្ដាលគ្រូការ៉ាតេ ថ្នាក់ជាតិ ឆ្នាំ២០២៤ ហើយកាលពីថ្ងៃទី២៩ មីនា ខណៈលោក ប៉ែន វុទ្ធី ថាវគ្គនេះនឹងជួយសហព័ន្ធពិសេសគ្រូៗស្វែងរកធនធានល្អៗដើម្បីត្រៀមចូលរួមការប្រកួតជ្រើសរើសជើងឯកយុវជនអាស៊ី ឆ្នាំ២០២៩។

លោក ប៉ែន វុទ្ធី (ឆ្វេង)

លោក ប៉ែន វុទ្ធី តំណាងក្រសួងអប់វំ យុវជន កីឡា ដែលបានចូលរួមបិទវគ្គបណ្ដុះបណ្ដាលខាងលើនេះបានឲ្យដឹងថា លោកគ្រូ អ្នកគ្រូ សិក្ខាកាមដែលមកចូលរួមនេះទទួលបានចំណេះដឹងក៏ដូចជាការអនុវត្តន៍ច្រើននៅពេលនេះ។ លោកសង្ឃឹមថាបន្ទាប់ពីបញ្ចប់ទៅនេះសិក្ខាកាមបានយកទៅពង្រីកផ្សព្វផ្សាយ និងបង្ហាត់បង្រៀនស្វែងរកបាននូវធនធានក្មេងៗដែលមានសមត្ថភាពល្អដើម្បីយកមកហ្វឹកហាត់ត្រៀមការប្រកួតកម្ពុជាធ្វើជាម្ចាស់ផ្ទះព្រឹត្តិការណ៍ប្រកួតជ្រើសរើសជើងឯកយុវជនអាស៊ី ឆ្នាំ២០២៩ ពេលខាងមុខ។

ទិដ្ឋភាពបិទវគ្គ

បញ្ជាក់ដែរថា វគ្គបណ្ដុះបណ្ដាលគ្រូបង្វឹកថ្នាក់ជាតិ ឆ្នាំ២០២៤ របស់សហព័ន្ធកីឡាការ៉ាតេកម្ពុជា នេះឡើងចាប់ពីថ្ងៃទី២៥ ដល់ ២៩ មីនា នៅទីស្នាក់ការគណៈកម្មាធិការជាតិអូឡាំពិកកម្ពុជា (NOCC)។ សិក្ខាកាមចូលរួមសរុប ៤០នាក់ នារី ១២នាក់។ ពិធីបិទវគ្គបណ្ដុះបណ្ដាលនេះធ្វើឡើងកាលពីថ្ងៃទី២៩ មីនា ២០២៤៕