ការប្រកួតកីឡាសិស្សបឋម៖ ជាឱកាសសហព័ន្ធតេក្វាន់ដូ WT សម្លឹងរកធនធានត្រៀមព្រឹត្តិការណ៍ជ្រើសរើសជើងឯកអាស៊ី ២០២៩

2024-04-08 08:19:11
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក គង់ សក្ខិដា អគ្គលេខាធិការរងសហព័ន្ធតេក្វាន់ដូ WT ការប្រកួតកីឡាសិស្សបឋមសិក្សានេះគឺមានសារសំខាន់ពិសេសជាឱកាសល្អសម្រាប់សហព័ន្ធបានពិនិត្យស្វែងរកបណ្ដើរៗនូវថ្នាលសម្រាប់ត្រៀមព្រឹត្តិការណ៍ជ្រើសរើសជើងឯក ឆ្នាំ២០២៩ ។

លោក គង់ សក្ខិដា

ក្រោយបញ្ចប់ការប្រកួតជើងឯកសិស្សបឋមសិក្សា លោក គង់ សក្ខិដា អគ្គលេខាធិការរងសហព័ន្ធតេក្វាន់ដូ WT កោតសរសើរ និងថ្លែងអំណរគុណដល់គណៈកម្មការរៀបចំការប្រកួតដែលរៀបចំយ៉ាងរលូន និងជោគជ័យប្រកបដោយសុវត្ថិភាព។ ថ្លែងអំណរគុណដល់ប្រតិភូ កីឡាករ កីឡាការិនីដែលបានចូលរួម និងគោរពនូវបទបញ្ជាបានត្រឹមត្រូវ។

ទិដ្ឋភាពបិទការប្រកួត

អគ្គលេខាធិការរងខាងលើបន្ថែមទៀតថា អ្នកដែលទទួលបានជយលាភីនៅពេលនេះសូមបន្តប្រឹងប្រែងហ្វឹកហាត់បន្តទៀត។ លោកថ្លែងអំណរគុណដល់ប្រមុខរាជរដ្ឋាភិបាល ក្រសួងអប់រំ យុវជន និងកីឡាដែលជំរុញអភិវឌ្ឍន៍វិស័យកីឡាពិសេសអនុញ្ញាតឲ្យសហព័ន្ធបានរៀបចំការប្រកួតនេះឡើងដើម្បីសម្លឹងមើលធនធានល្អៗសម្រាប់ប្រមូលផ្ដុំថ្នាលត្រៀមការប្រកួតព្រឹត្តិការណ៍ជ្រើសរើសជើងឯកអាស៊ី ឆ្នាំ២០២៩ ខាងមុខ។

ទិដ្ឋភាពបិទការប្រកួត

បញ្ជាក់ដែរថា សហព័ន្ធតេក្វាន់ដូ WT រៀបចំការប្រកួតកីឡាសិស្សបឋមសិក្សានេះឡើងមានរយៈពេល ៣ថ្ងៃ ក្នុងពហុកីឡដ្ឋានជាតិ។ ការប្រកួតនេះដែរមានប្រតិភូ គ្រូបង្វឹក និងកីឡាករ កីឡាការិនី ចូលរួមចំនួន ៧៨នាក់ (ស្រី ២៨នាក់) មកពីរាជធានី-ខេត្តចំនួន១០៕