ល្បីថា AC Milan បានសម្រេចដេញគ្រូបង្គោលរបស់ខ្លួននៅចុងរដូវកាលនេះ

2024-04-23 12:24:42
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្លឹប AC Milan បានសម្រេចធ្វើការបណ្ដេញគ្រូបង្គោល Stefano Pioli នៅចុងរដូវកាលឆ្នាំ២០២៣/២៤នេះ ក្រោយចាញ់ប្រកួត Inter Milan ១-២ ក្របខ័ណ្ឌ Serie A នៅក្នុងថ្ងៃនេះ ដែលបានធ្វើឲ្យក្លឹប Inter Milan ជាម្ចាស់ជើងឯកពានលីគកំពូលនេះប្រចាំរដូវកាលនេះ។ នេះបើយោងតាមការចុះផ្សាយរបស់ Fabrizio Romano នៅក្នុងថ្ងៃនេះ។

ថ្នាក់ដឹកនាំក្លឹប AC Milan គឺបានសម្រេចចិត្តរួចរាល់ហើយដោយមិនផ្ដល់ឱកាសដល់ លោក Pioli ទៀតទេ ដោយនៅខណៈនេះកំពុងសម្លឹងមើលគ្រូបង្គោលថ្មីដែលស័ក្ដិសម។

លោក Pioli បានដឹកនាំ AC Milan តាំងពីឆ្នាំ២០១៩មក ដោយឈ្នះពានបាន១ដងប៉ុណ្ណោះសម្រាប់ក្លឹបនេះគឺពាន Serie A នេះកាលពីរដូវកាលឆ្នាំ២០២១/២២ រួចក៏បានខកខានឱកាសឈ្នះពាននេះ២ដងជាប់គ្នាហើយចាប់ពីឆ្នាំ២០២២/២៣ រហូតមកពេលនេះ។

ចំពោះគ្រូបង្គោលថ្មីដែលនឹងមកដឹកនាំក្លឹប AC Milan គឺអាចជា លោក Antonio Conte ប្រសិនបើលោកព្រមមកដឹកនាំក្លឹបវិញ ព្រោះលោកធ្លាប់បដិសេធក្លឹបនេះម្ដងហើយកាលពីរដូវកាលមុន ដែលធ្វើឲ្យលោក Pioli បន្តដឹកនាំក្លឹបនេះបន្តទៀតរហូតមកទល់ពេលនេះ៕

ប្រភព៖ The Sun អត្ថបទ៖ សេរី មង្គល