The Platform គឺជាវេទិកាដែលមានគោលដៅបង្កើនភាពច្នៃប្រឌិត ហើយត្រូវបានបង្កើតឡើងដើម្បីផ្តល់ឱកាសដល់សាធារណជនទាំងអស់អាចស្វែងយល់ ចែករំលែក និងភ្ជាប់ទំនាក់ទំនងដែលនាំឲ្យឆ្ពោះទៅរកអនាគតកម្ពុជាដ៏ល្អប្រសើរ។ វេទិកាទីមួយរបស់ The Platform ដែលជជែកអំពីសហគ្រិនភាព ត្រូវបានបញ្ចប់ប្រកបដោយភាពជោគជ័យកាលពីខែកុម្ភៈកន្លងទៅនេះ។

ដោយ​ទទួល​បាន​ការ​គាំទ្រ​ច្រើនពីអ្នកចូលរួមផ្ទាល់ ក៏ដូចជាអ្នកតាមដានតាមរយៈប្រព័ន្ធផ្សព្វផ្សាយសង្គមរបស់ The Platform ។ វេទិកាទីពីរក្រោមប្រធានបទ "លុយសំខាន់ បង្កើតយុទ្ធសាស្រ្តគ្រប់គ្រងហិរញ្ញវត្ថុផ្ទាល់ខ្លួនរបស់អ្នក" នឹងប្រព្រឹត្តឡើងនៅ ថ្ងៃសៅរ៍ ទី27 ខែមេសា ឆ្នាំ 2024 ចាប់ពីម៉ោង 1រសៀល ដល់ 5រសៀល នៅ The Atom ។

កម្មវិធីនេះនឹងមានការពិភាក្សា ការចោទសំនួរ និងចម្លើយ ក៏ដូចជាការចែករំលែកបទពិសោធន៍ រវាងអ្នកចូលរួម និងវាគ្មិនជំនាញ ៗ ដើម្បីយល់ដឹងពីការគ្រប់គ្រងហិរញ្ញវត្ថុ ការវិនិយោគឆ្លាតវៃ និង ការរៀបចំគម្រោងហិរញ្ញវត្ថុឲ្យមានស្ថិរភាព។

 វេទិកាទីពីរនេះនឹងមានការចូលរួមពីវាគ្មិនជំនាញ មកពីស្ថាប័នហិរញ្ញវត្ថុដូចជា លោកស្រី ធាម រមណី នាយិកាទំនាក់ទំនងគូភាគី ប្រធានគ្រប់គ្រងតំបន់ នៃធនាគារ ABA Bank ។ លោក កាំង តុងងី ប្រធាននាយកដ្ឋានទំនាក់ទំនង នៃសមាគមមីក្រូហិរញ្ញវត្ថុកម្ពុជា និងលោកស្រី ស៊ូ ហ្សូលីដា នាយកគ្រប់គ្រង នៃ Prestige Consulting។

សូមកុំភ្លេចចូលរួម វេទិកាទីពីររបស់ The Platform ទាំងអស់គ្នាណាដើម្បីចូលរួមពិភាក្សា និង ទទួលបានចំណេះដឹង គំនិតល្អៗអំពីការរៀបចំគម្រោង ការគ្រប់គ្រងហិរញ្ញវត្ថុ ក៏ដូចជាការវិនិយោគដ៏ឆ្លាតវៃ និង មានឱកាស សំណេះសំណាលជាមួយវាគ្មិនផ្ទាល់ ព្រមទាំងបង្តើតទំនាក់ទំនងជាមួយអ្នកចូលរួមដ៏ទៃទៀត ដើម្បីទទួលបានបទពិសោធន៍ និងការចែករំលែកចំណេះដឹងផងដែរ។

សម្រាប់ព័ត៌មានបន្ថែម និងការចុះឈ្មោះសូមចូលតាមរយៈតំណនេះ