ស្នេហាក្នុងរឿងស៊ីជម្រៅខ្លាំងពេក រហូតអ្នកមើលសង្ស័យតួរឿង "Bridgerton" ទំនងស្រឡាញ់គ្នាពិត

2024-05-21 03:42:54
ចំនួនមតិ 0 | ចំនួនចែករំលែក 0

ចន្លោះមិនឃើញ

ភាពយន្តរបស់ Netflix មួយដែលមានចំណងជើងថា "Bridgerton” ជាខ្សែភាពយន្តដែលទទួលបានការចាប់អារម្មណ៍ខ្លាំង ពេលចេញផ្សាយភ្លាម ដោយមាន Nicola Coughlan និង Luke Newton ជាតួឯក។ ដោយសារតែភាពស៊ីសង្វាក់គ្នាបែបនេះហើយ ទើបអ្នកតាមដានភាគច្រើនកើតការសង្ស័យថា តើពួកគេពិតជាទាក់ទងនៅក្នុងជីវិតពិតឬអត់? ចម្លើយមាននៅទីនេះ!

រឿង «Bridgerton» ផ្តោតលើជីវិតស្នេហាតួ Penelope Featherington (សម្ដែងដោយ Nicola Coughlan) និង Colin Bridgerton (សម្ដែងដោយ Luke Newton)។ ក្នុងរឿង តួស្រីលួចស្រឡាញ់ Colin ដែលជាតួប្រុសយូរហើយ រហូតឈានដល់កើតចិត្តច្របូកច្របល់ទប់មិនជាប់ ពេលឮថាខាងប្រុសមិនបានមើលឃើញនាងទេ (ក្នុងរឿងកាលពីរដូវកាលមុន)។ ប៉ុន្តែពេលវេលាក៏បានជួយឲ្យអ្នកទាំងពីរបង្កើតទំនាក់ទំនងលើសពីធម្មតាជាមួយគ្នា រហូតខាងប្រុសផ្ដើមមានចិត្តដែរ។

ទទួលបានឱកាសការងារនៅពេលនេះ Luke Newton ពិតជារំភើប ដែលបានបង្ហាញពិភពលោកអំពីភាពស៊ីសង្វាក់ដែលលោក និងដៃគូសម្ដែងមាន។ លោកបានប្រាប់ Variety ថា លោក និងដៃគូ ពិតជាជក់ចិត្តនឹងការនិទានរឿង ហើយពួកគេទាំងពីរបានផ្តល់ឱ្យគ្នាទៅវិញទៅមកនូវបទពិសោធន៍បញ្ចូលក្នុងរឿងដែលដូចកើតឡើងពិតៗ។

សម្រាប់ Nicola វិញក៏បានលើកឡើងដែរពី ដៃគូរបស់ខ្លួនដែរថា Luke ជាមនុស្សមានចិត្តស្មោះត្រង់ សំខាន់ចំណូលចិត្តពួកគេក៏ស្រដៀងគ្នាដែរ។

ទោះជាស្និទ្ធស្នាលគ្នាទាំងក្នុង និងក្រៅរឿង ប៉ុន្តែ Nicola Coughlan និង Luke Newton មិនបានទាក់ទងស្រឡាញ់គ្នាទេ។ ទោះជាយ៉ាងណាឆ្លើយតបនឹងពាក្យចចាមអារ៉ាមស្នេហា Nicola និយាយថា៖ "យើងគិតថាវា Sweet មែនតើ! ខ្ញុំគិតថាដូចយើងស្រលាញ់គ្នាមែនទែនអ៊ីចឹង"។

Luke វិញលើកឡើងថា Nicola គឺជា "មនុស្សពិសេសនៅក្នុងជីវិតរបស់លោកទៀតផង” ប៉ុន្តែបញ្ចប់ត្រឹមឃ្លាថា «ខ្ញុំមិនអាចធ្វើរឿងទាំងអស់នេះបានទេ ប៉ុន្តែសំណាង ខ្ញុំមានមិត្តដ៏គួរឱ្យស្រឡាញ់ម្នាក់ទើបខ្ញុំអាចធ្វើបាន»។

តើពេលនេះ Nicola Coughlan មានទំនាក់ទំនងស្នេហាជាមួយអ្នកណាទេ?

ពុំមានព័ត៌មានច្បាស់ការណាមួយលើកឡើងថា Nicola Coughlan មានទំនាក់ទំនងជាមួយអ្នកណាឡើយ។ ទាក់ទងនឹងជីវិតផ្ទាល់ខ្លួន តារាស្រីរូបនេះតែងបង្ហាញលើ Instagram របស់នាង។ ទោះជាយ៉ាងណាមានពាក្យចចាមអារ៉ាមថា នាងធ្លាប់បានទាក់ទងតារាសម្ដែង Laurie Kynaston កាលពីឆ្នាំ ២០២១ ប៉ុន្តែពុំដែលមានការបញ្ជាក់ច្បាស់ការឡើយ។

ចុះចំណែកLuke Newton តើមានទំនាក់ទំនងស្នេហាជាមួយអ្នកណាទេ?

ដូចជាដៃគូដែរ បស់គាត់ Luke Newton មិនត្រូវបានគេ គិតថាកំពុងណាត់ជួបនរណាម្នាក់ឡើយ។ ជាក់ស្ដែង ពីមុនលោកធ្លាប់មានទំនាក់ទំនងរយៈពេល ៤ ឆ្នាំជាមួយ Jade Louise Davies ពីឆ្នាំ ២០១៩ ដល់ឆ្នាំ ២០២៣។ ប៉ុន្តែវាគ្រាន់តែជាអតីតកាល ស្របពេលបច្ចុប្បន្នបេះដូងរបស់តារាប្រុសកើតឆ្នាំ ១៩៩៣ រូបនេះនៅទំនេរស្អាត៕