ឈ្នះមេដាយមាស៨ ប្រាក់៤ ក្រុមតេក្វាន់ដូ WT បណ្ឌិត្យសភានគរបាលជាប់ចំណាត់ថ្នាក់លេខ១ កីឡាសិស្សឧត្ដមសិក្សា

2024-05-26 08:19:38
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមកីឡាករ កីឡាការិនីតេក្វាន់ដូ WT បង្ហាញភាពអស្ចាចារ្យជាខ្លាំងដោយឈ្នះមេដាយមាសរហូតដល់ទៅ ៨គ្រឿង និងប្រាក់ ៤គ្រឿង ជាប់ចំណាត់ថ្នាក់លេខ១ លើប្រភេទកីឡាមួយនេះនៃព្រឹត្តិការណ៍កីឡាសិស្សឧត្ដមសិក្សា ឆ្នាំ២០២៤។

ក្រោយធ្វើការប្រកួតយ៉ាងស្វិតស្វាញលើប្រភេទកីឡាតេក្វាន់ដូ WT គឺបញ្ចប់ហើយកាលពីថ្ងៃទី២៤ ខែឧសភា ឆ្នាំ២០២៤ នៅអគារប៊ូយ៉ុង ក្នុងពហុកីឡដ្ឋានជាតិ។ ក្នុងនោះក្រុមតេក្វាន់ដូ បណ្ឌិត្យសភានគរបាលកម្ពុជា ឈ្នះមេដាយមាស៨ ប្រាក់៤ ជាប់ចំណាត់ថ្នាក់លេខ១ ក្រុមសកលវិទ្យាល័យគ្រប់គ្រង និងសេដ្ឋកិច្ច ឈ្នះមេដាយមាស២គ្រឿង ជាប់ចំណាត់ថ្នាក់លេខ២ សកលវិទ្យាល័យ បៀលប្រាយខេត្តបាត់ដំបង ឈ្នះមេដាយមាស១គ្រឿង ប្រាក់៤ សំរិទ្ធ១ ជាប់ចំណាត់ថ្នាក់លេខ៣ សកលវិទ្យាល័យប៊ែលធីអន្តរជាតិភ្នំពេញ ឈ្នះមេដាយមាស១ សំរិទ្ធ១ ជាប់ចំណាត់ថ្នាក់លេខ៤ និងវិទ្យាស្ថានជាតិអប់រំកាយ និងកីឡា ឈ្នះមេដាយប្រាក់២ សំរិទ្ធ២ ជាប់ចំណាត់ថ្នាក់លេខ៥។

ការប្រកួតកីឡាសិស្សឧត្ដម ឆ្នាំ២០២៤ លើប្រភេទកីឡាតេក្វាន់ដូ WT មានគ្រឹះស្ថានឧត្តមសិក្សា និងមធ្យមសិក្សាបច្ចេកទេសចំនួន ១៣ បានចូលរួមប្រកួតប្រជែងលើ១២វិញ្ញាសា។ ការប្រកួតនេះមានកីឡាករ កីឡាការិនី ប្រតិភូ សរុបចំនួន ១២១ នាក់ និងលេងលើផ្នែកមេគុនមាន ៣ វិញ្ញាសា និងផ្នែកប្រយុទ្ធមាន ៩វិញ្ញាសា៕