មានដឹងថា ប្រទេសអាស៊ានណាទេ ដែលដូរទង់ជាតិចុងក្រោយគេ?

2024-06-12 13:00:44
ចំនួនមតិ 0 | ចំនួនចែករំលែក 0

ចន្លោះមិនឃើញ

ទង់ជាតិនៃប្រទេសណាមួយ ឆ្លុះបញ្ចាំងពីនិមិត្តរូបជាតិស្ថិតក្រោមលក្ខខណ្ឌនយោបាយ និងវប្បធម៌របស់ប្រទេសនីមួយៗ។ ការផ្លាស់ប្ដូរទង់ជាតិឆ្លុះបញ្ចាំងពីការផ្លាស់ប្ដូរផ្នត់គំនិត និងរបបដឹកនាំរបស់ប្រទេសណាមួយ។ នៅក្នុងប្រទេសអាស៊ីអាគ្នេយ៍ មានប្រទេសជាច្រើនរួមមានទាំងកម្ពុជាផង បានផ្លាស់ប្ដូរទង់ជាតិ ឈ្មោះផ្លូវការរបស់ប្រទេស និងភ្លេងជាតិជាច្រើនដងមកហើយទៅតាមកាលៈទេសៈរបបគ្រប់គ្រងរដ្ឋ។

នៅតំបន់របស់យើង ប្រទេសដែលផ្លាស់ប្ដូរទង់ជាតិចុងក្រោយបង្អស់គឺ ប្រទេសមីយ៉ាន់ម៉ា។ ប្រទេសនេះបានផ្លាស់ប្ដូរទង់ជាតិលើកចុងក្រោយបង្អស់គឺនៅថ្ងៃទី២១ ខែតុលា ឆ្នាំ២០១០។ ទង់ជាតិថ្មីចុងក្រោយនេះមានពណ៌លឿង បៃតង និងក្រហម ជាមួយនឹងផ្កាយធំមួយពណ៌សនៅចំកណ្ដាល។

ពណ៌លឿងតំណាងឱ្យសាមគ្គីភាព និងសុភមង្គលជាតិ ចំណែកឯពណ៌បៃតង តំណាងឱ្យយុត្តិធម៌ និងក្ដីសោមនស្សជាតិ ហើយពណ៌ក្រហមតំណាងឱ្យភាពក្លាហាន និងប្រត្យក្សភាព។ ផ្កាយធំពណ៌សតំណាងឱ្យភាពបរិសុទ្ធ ភាពស្មោះត្រង់ និងអំណាច។

ទង់ជាតិនេះត្រូវបានផ្លាស់ប្ដូរភ្លាមៗនៅឆ្នាំ២០១០ ក្រោយពីប្រទេសនេះដាក់ប្រើប្រាស់រដ្ឋធម្មនុញ្ញថ្មីដែលចេញនៅឆ្នាំ២០០៨។ ទង់ជាតិចាស់ ដែលដាក់ប្រើប្រាស់នៅឆ្នាំ១៩៧៤ និងមានលក្ខណៈជាសង្គមនិយម ត្រូវបានគេបញ្ជាឱ្យដុតចោលនៅស្ថាប័ន និងអង្គភាពរដ្ឋ នេះបើតាមសារព័ត៌មានរ៉យទ័រ។

នៅពេលដែលគណបក្សអ្នកស្រី អោងសាន ស៊ូជី គណបក្សសម្ព័ន្ធជាតិដើម្បីប្រជាធិបតេយ្យឡើងកាន់អំណាច មានសំណើមួយចំនួនចង់ឱ្យផ្លាស់ប្ដូរទង់ជាតិដែលដាក់ប្រើប្រាស់នៅឆ្នាំ២០១០នេះ។

បើសំណើរបស់គណបក្សអ្នកស្រីអោងសាន ស៊ូជីនៅឆ្នាំ២០១៩ ទង់ជាតិដែលស្នើថ្មីនេះស្រដៀងនឹងទង់ជាតិចាស់ ដែលដាក់ឱ្យប្រើប្រាស់នៅឆ្នាំ១៩៤៨ និងឆ្នាំ១៩៧៤ ដោយមានផ្ទៃធំពណ៌ក្រហម រួមជាមួយនឹងផ្ទៃតូចពណ៌ខៀវនៅគែមខាងឆ្វេង គួបផ្សំជាមួយនឹងផ្កាយសធំមួយ និងព័ទ្ធជុំវិញដោយផ្កាយសតូចៗចំនួន ១៤៕

ប្រភព៖ Reuters អត្ថបទ៖ សេរី មង្គល

ពាក្យទាក់ទង

Gadget

អត្ថបទពេញនិយម

២០ ឆ្នាំមុន ស្រ្តីបរទេសម្នាក់ ចំណាយប្រាក់១៥០០០ ដុល្លារ ទិញកោះមួយ សព្វថ្ងៃក្លាយជា កោះសង្សារ លំដាប់អភិជន

បុរសម្នាក់នេះ ជួយជ្រោមជ្រែង ខ្មែរជាច្រើនគ្រួសារ ឱ្យបានទៅរស់នៅអាមេរិក និងជួយបង្កើតមុខរបរឱ្យទៀត

ជំនឿផ្សេងៗទាក់ទងរឿងញាក់ត្របកភ្នែកតាមម៉ោង

តាមពិត នៅអាមេរិក មានទីក្រុងមួយ ឈ្មោះថា "ទីក្រុងខ្មែរ - Cambodia Town"

លី តាវហួ បង្ហាញតិកនិចធ្វើឲ្យសម្រស់នៅតែសង្ហាដូចខ្ទង់ ៤០ ទោះសព្វថ្ងៃអាយុ ៦២ ក៏ដោយ

យើងរួមគ្នាសាទរ៖ កិច្ចព្រមព្រៀងថ្ងៃឈប់សម្រាក និងដំណោះស្រាយសហការពី 1Byte

អត្ថបទថ្មី

៣នាក់ឪ-កូន លេងស្ដាយប្លែកៗ អមជាមួយបទកំពុងល្បី ត្រូវអ្នកគាំទ្រធ្លោយមាត់ថា “IDOL ព្រាប សុវត្ថិ ខ្ញុំមកវិញហើយ!”

តំបន់ទេសចរណ៍ ពេញនិយម ទាំង ១៥ កន្លែង សម្រាប់ដើរកម្សាន្តថ្ងៃបុណ្យ Christmas

ធនាគារ ហ្វីលីព ចាប់ដៃគូជាមួយក្រុមហ៊ុនវីសា ដើម្បីផ្តល់នូវសេវាកម្មផ្ទេរប្រាក់ លឿនជាងមុន ល្អជាងមុន និងងាយស្រួលជាងមុន

ក្រុមហ៊ុន វឌ្ឍនៈ ចូលរួមគាំទ្រសហភាពសហព័ន្ធយុវជនកម្ពុជារៀបចំព្រឹត្តិការណ៍ដ៏ធំ “សាទរកម្ពុជា” ស្វាគមន៍ឆ្នាំ២០២៥

ជួបជាមួយកំពូលតារាចម្រៀង ព្រាប សុវត្ថិ ល្ងាចនេះ នៅព្រៃវែង ខណៈបទ “កុលាបមានបន្លា” កំពុងផ្ទុះខ្លាំង