ARMY ម្នាក់ត្រូវជួបរឿងហួសចិត្ត ពេលត្រូវម្ដាយក្បត់ដោយសារ JIN

2024-06-14 02:36:48
ចំនួនមតិ 0 | ចំនួនចែករំលែក 0

ចន្លោះមិនឃើញ

មិនរង់ចាំយូរឡើយ ក្រោយបញ្ចប់កាតព្វកិច្ចដោយជោគជ័យពីជួរកងទ័ព Jin (BTS) បានរៀបចំកម្មវិធីដ៏ពិសេស ដើម្បិជួបជាមួយនឹងអ្នកគាំទ្រ ដោយកម្មវិធីនេះក៏ជាផ្នែកមួយនៃ FESTA ឆ្នាំ ២០២៤ ដែរ។

ថ្វីត្បិតតែវិលមកវិញនេះ លោកហាក់មានការភិតភ័យបន្តិច សម្រាប់ការបង្ហាញខ្លួនជាសាធារណៈលើកដំបូងក៏ដោយ ប៉ុន្តែគ្រប់គ្នាអាចមើលដឹងថា Jin រីករាយយ៉ាងណាពេលបានជួបជាមួយ ARMY ម្តងទៀត។

មួយវិញទៀត ទោះនេះជាការបង្ហាញខ្លួនតែឯង ប៉ុន្តែបងធំ BTS រូបនេះបានធ្វើឱ្យប្រាកដថា ARMY ទាំងអស់ដែលចូលរួម មានអារម្មណ៍សុខស្រួល និងទទួលបានគោរពពីលោកត្រឡប់ទៅវិញ។ ដោយសារពេលវេលាមិនច្រើន ទើប Jin សោកស្តាយបន្តិចដែរ ដែលគាត់មិនអាចឱបអ្នកគាំទ្របានច្រើនជាងនេះ ដូច្នេះលោកសង្ឃឹមថានឹងមានព្រឹត្តិការណ៍បែបនេះទៀតនាពេលអនាគត។

យ៉ាងណាងាកទៅរឿងស្មានមិនដល់មួយ ទាក់ទងនឹង ARMY ម្នាក់ ដែលជួបរឿងភ្ញាក់ផ្អើលពេលឃើញម្ដាយរបស់ខ្លួនឱប Jin។

ARMY រូបនោះបាននិយាយថា «ចុម! ម៉ាក់ហេតុអ្វីកុហកកូន? ខ្ញុំពិតជាចង់ទៅកម្មវិធីនោះណាស់»។ និយាយពីរឿងរ៉ាវរបស់ ARMY រូបនោះវិញបានសរសេរឲ្យដឹងថា ខ្លួនខំទាក់ទងទូរស័ព្ទជាច្រើនដងទៅកាន់ម្ដាយ ប៉ុន្តែឆ្ងល់ហេតុអ្វីម្ដាយមិនព្រមលើកសោះ។

ទីបំផុត ម្ដាយក៏បានផ្ញើសារត្រឡប់មកវិញ ដោយសរសេរថា៖ «ឈប់ Call មក!ម៉ាកកំពុងរវល់! ចាំម៉ាក់ Call ទៅវិញពេលទៅដល់ផ្ទះ! ទៅរៀនទៅ»

ពេលឃើញម្ដាយឆាតមកបែបនេះ ខ្លួនក៏សរសេរទាំងអន់ចិត្តទៅវិញ ទាំងដឹងថាម្ដាយកំពុងកុហកស្របពេលឡើងកម្មវិធី Free Hug របស់ Jin។ ARMY រូបនោះបានសរសេរថា៖ «ទៅរៀន? ចេះតែយ៉ាងម៉េចជាមួយនឹងរឿងរៀន? គ្មានផ្លូវដែលខ្ញុំត្រូវទៅរៀនទេ បន្ទាប់ពីត្រូវបានគេក្បត់!! ហ៎? ខ្ញុំចង់ឱបដែរ»៕