ការប្រកួតពានរង្វាន់ Korean Ambassador's Cup 2024 មានការចូលរួមកើនឡើងពិសេសយុវជន

2024-06-14 05:11:30
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតតេក្វាន់ដូ WT ពានរង្វាន់ឯកអគ្គរដ្ឋទូតកូរ៉េ Korean Ambassador's Cup ដែលរៀបចំឡើងកាលពីម្សិលមិញនេះបានបញ្ចប់ទៅហើយ ខណៈកីឡាករ កីឡាការិនី ពិសេសយុវជនចូលរួមមានចំនួនកើនឡើងជាងឆ្នាំមុនទៅទៀត។

ទិដ្ឋភាពបិទការប្រកួត

គ្រូជម្រើសជាតិផ្នែកបរទេសលោក ឆយ យ៉ុងសុក បានឲ្យដឹងថា ការចូលរួមប្រកួតពានរង្វាន់ឆ្នាំនេះមានចំនួនច្រើនជាងឆ្នាំមុនគឺសរុបឆ្នាំនេះមានខ្ទង់ជិត ៣០០នាក់ ខណៈឆ្នាំមុនមានខ្ទង់ ១៩០នាក់ ប៉ុណ្ណោះ។ ដូច្នេះលើកនេះមានការកើនឡើងច្រើនពិសេសគឺយុវជនក្មេងៗដែលនេះជាកត្តាល្អមួយក្នុងការបណ្ដុះធនធានឆ្ពោះទៅការប្រកួតយុវជនអាស៊ី ឆ្នាំ២០២៩។

ទិដ្ឋភាពបិទការប្រកួត

គ្រូជនជាតិកូរ៉េខាងត្បូងខាងលើនេះបន្ថែមទៀតថា ពានរង្វាន់ឯកអគ្គរដ្ឋទូតកូរ៉េ Korean Ambassador's Cup អ្នកចូលរួមប្រកួតនេះភាគច្រើនជាកីឡាករ កីឡាការិនីថ្មីៗហើយឆ្នាំសនេះហព័ន្ធបានដាក់ឲ្យលេងគ្រប់ប្រភេទអាយុ និងគ្រប់វិញ្ញាសាទាំងអស់។

ទិដ្ឋភាពបិទការប្រកួត

បញ្ជាក់ដែរថា នេះជាលើកទី១០ ហើយនៃការរៀបចំពានរង្វាន់ឯកអគ្គរដ្ឋទូតកូរ៉េ Korean Ambassador's Cup លើប្រភេទកីឡាតេក្វាន់ដូ WT។ ការប្រកួតនេះធ្វើឡើងកាលពីថ្ងៃទី១៣ ខែមិថុនា ឆ្នាំ២០២៤ ក្នុងសាលហ្វឹកហាត់ប៊ូយុងនៃពហុកីឡដ្ឋានជាតិ និងមានអ្នកចូលរួមសរុប ២៧០នាក់មកពីក្លឹបចំនួន ១៩។ ពិធីបិទម្សិលមិញនេះដែរមានការអញ្ជើញចូលរួមពីឯកឧត្ដម ហង់ ជួនណារ៉ុន ប្រធានសហព័ន្ធតេក្វាន់ដូ WT និងឯកឧត្ដម Park Jung Wook ឯកអគ្គរដ្ឋទូតសាធារណរដ្ឋកូរ៉េ៕