«ទិវាអូឡាំពិក ឬ Olympic Day» កម្ពុជាប្រារព្ធពិធីនៅស្តាតមរតកតេជោ និងបណ្ដុះស្មារតីយុវជនឲ្យហាត់កីឡា

2024-06-24 04:08:44
ចំនួនមតិ 0 | ចំនួនចែករំលែក 0

ចន្លោះមិនឃើញ

«ទិវាអូឡាំពិក ឬ Olympic Day» ដែលជាថ្ងៃបង្កើតចលនាកីឡាអូឡាំពិកទំនើប កម្ពុជាបានរៀបចំកម្មវិធីលេងកីឡានានាកាលពីម្សិលមិញនេះនៅស្តាតមរតកតេជោដើម្បីជាការអបអរ និងរំលឹកដឹកគុណ បណ្ដុះស្មារតីកីឡាដល់យុវជនប្រមាណ ៣០០នាក់ដែលចូលរួម។

ឯកឧត្ដម ថោង ខុន (រូបភាព NOCC)

ឯកឧត្ដម វ៉ាត់ ចំរើន អគ្គលេខាធិការ នៃគណៈកម្មាធិការជាតិអូឡាំពិកកម្ពុជា បានឲ្យដឹងថា ដើម្បីជាការអបអរក្នុង«ទិវាអូឡាំពិក ឬ Olympic Day» ឯកឧត្ដម ថោង ខុន បានបង្កើតជាកម្មវិធីរត់ប្រណាំងបែបកម្សាន្តជាមួយយុវជនប្រមាណ ៣០០នាក់នៅក្នុងស្តាតមរតកតេជោ។

ក្រៅតែពីការរត់លេងកម្សាន្តហើយនោះក៏មានការពន្យល់ពីគុណតម្លៃចលនាអូឡាំពិក ពីប្រវត្តិចលនាកីឡាមួយនេះ និងលើកឡើងពីសារប្រយោជន៍ចំពោះការលេងកីឡាផ្សេងទាំងរាងកាយ ប្រាជ្ញាស្មារតីទៀតផង។ បន្ថែមពីនេះបានអនុញ្ញាតដល់អ្នកចូលរួមទាំងអស់ចូលទស្សនាសារមន្ទីរអូឡាំពិកដែលជាកន្លែងរក្សាប្រវត្តិកីឡាក៏ដូចជាស្នាដៃអត្តពលិកកម្ពុជាកន្លងទៅផងដែរ។

ឯកឧត្ដម វ៉ាត់ ចំរើន (រូបភាព NOCC)

បញ្ជាក់ផងដែរថា ពិធីអបអរសាទរ «ទិវាអូឡាំពិក ឬ Olympic Day» នេះធ្វើឡើងកាលពីព្រឹកថ្ងៃទី២៣ ខែមិថុនា ឆ្នាំ២០២៤ នៅស្តាតមរតកតេជោ ក្រោមអធិបតីភាពឯកឧត្ដម ថោង ខុន ប្រធានគណៈកម្មាធិការជាតិអូឡាំពិកកម្ពុជា ឯកឧត្ដម វ៉ាត់ ចំរើន និងថ្នាក់ដឹកនាំជាច្រើនរូបទៀត៕