« Where is Musiala? » Morata ស្រែកចំពោះមុខអ្នកគាំទ្រអេស្ប៉ាញក្នុងកម្មវិធីអបអរពាន EURO 2024

2024-07-17 01:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ព្រឹត្តិការណ៍ EURO 2204 បានបញ្ចប់ទៅហើយ ខណៈក្រុមបាល់ទាត់ជម្រើសជាតិអេស្ប៉ាញបានគ្រងជើងឯកដោយផ្ដួលក្រុមជម្រើសជាតិអង់គ្លេសនាវគ្គផ្ដាច់ព្រ័ត្រ ២-១ ស្របពេលដែលម្ចាស់ផ្ទះអាល្លឺម៉ង់ ក៏បានធ្លាក់ត្រឹមវគ្គ៨ចុងក្រោយក្រោមថ្វីជើងអេស្ប៉ាញផងដែរ។

ក្នុងពេលអបអរលើកពាន EURO ខ្សែប្រយុទ្ធជម្រើសជាតិអេស្ប៉ាញ Alvaro Morata បានស្រែករកឈ្មោះ Jamal Musiala ថា «Where is Musiala?» ដែលមានន័យថា « ឯណាទៅ Musiala ? » ក្នុងន័យនេះត្រូវបានគេដឹងថា Morata មានចេតនាឌឺដងទៅកាន់ខ្សែប្រយុទ្ធជម្រើសជាតិអាល្លឺម៉ង់ ព្រោះកន្លងមកខ្សែប្រយុទ្ធវ័យក្មេង Musiala ត្រូវបានគេប្រដូចទៅហ្នឹង Lamine Yamal របស់ជម្រើសជាតិអេស្ប៉ាញ។

សូម្បីតែគ្រូរបស់ អាល្លឺម៉ង់លោក J. Nagelsmann ធ្លាប់បាននិយាយមុនការប្រកួតរវាងអាល្លឺម៉ង់ និង អេស្ប៉ាញ ដែរថា លោកមិនរវល់រឿងទម្រង់លេងរបស់ Yamal ទេ ផ្ទុយទៅវិញលោកមានការជឿទុកចិត្តចំពោះកីឡាកររបស់លោក Musiala នៅតំបន់ប្រយុទ្ធ។ ហើយក្រោយមក អេស្ប៉ាញ ក៏បានទម្លាក់អាល្លឺម៉ង់ ត្រឹមវគ្គនោះទៅ។

យ៉ាងណាការស្រែកហៅឈ្មោះកីឡាករផ្សេងក្នុងពេលអបអររបស់ខ្លួន បែបឌឺដងដូច្នេះកីឡាករអាជីពក្នុងលោកស្ទើរតែគ្មានទេ។ ខណៈដែលការស្រែករបស់ Morata ដូច្នេះវាមិនមែនជាចំណុចវិជ្ជមានឡើយ។

ចុះប្រិយមិត្តវិញយល់បែបណាសម្រាប់ការស្រែកហៅឈ្មោះ Musiala របស់ Morata ខុសឬត្រូវ?